Ғалия Еркінқызы Жексембаева

Ғалия Еркінқызы Жексембаева (3. 12. 1958 жылы туған, Алматы облысы, Қарасай ауданы, Горный Гигант ауылы) — тіл білімі маманы, филология ғылымдарының кандидаты (1992).

Абай атындағы ҚазПИ-дің филология факультетін бітірген (1980). 1980—1982 жылдары Торғай облысы, Амангелді ауданы орта мектебінде қазақ тілі мен әдебиеті пәнінің мұғалімі. 1982-1986 жылдары ҚазПИ-дің аспиранты. 1986—1989 жылдары осы институттың қазақ тілі кафедрасының лаборанты. 1989—1993 жылдары осы кафедрада оқытушы. 1993 жылдан Абай атындағы Алматы мемлекеттік университетінің жалпы тіл білімі және қазақ тілі тарихы кафедрасының оқытушысы.

Профессор Ғ. Қалиевтің жетекшілігімен "Қазақ тіліндегі кірме сөздердің сөзжасам қызметі" деген тақырыпта кандидаттық диссертацияны қорғады. 16 ғылыми мақаласы жарық көрді.