Ғалым Теміртасов

Теміртасов Ғалым (1931 жылы туған, Теңіз ауданы Өлеңді ауылы) – журналист, Қазақстан Журналистер одағының мүшесі (1959), тарих ғылым кандидаты Гурьев облысының ауданы газеттерінде бөлім меңгерушісі, жауапты хатшы, редактор, облысы «Коммунистік еңбек» газетінің бөлім меңгерушісі болып жұмыс жасаған. 1973 жылдан Маңғыстауда, облысы телевизия және радиохабар жөніндегі комитеттің аға редакторы, бас редакторы, комитет төрағасының радиохабар жөніндегі орынбасары, комитет төрағасы, облысы партия комитеті партия архивінің меңгерушісі болды. Гурьев және Маңғыстау облыстарының тарихын зерттеп, көптеген ғылыми кітапшалар шығарған. Республика баспаларынан «Ықпалды күш», «Кадрлар – өзекті мәселе», «Депутат – халық қызметшісі», «Дербестік және жауапкершілік», т.б. кітаптары мен кітапшалары жарық көрді. Көркем очерктері «Асқан асу», «Халық көзі қырағы», «Дала дауылпаздары», «Октябрь нұры» атты жинақтарға еніп, өзі «Теңіз тарландары» деген очерктер жинағын құрастырып шығарды.