Ғани Мұратбаевтың мемориалдық мұражайы
Ғани Мұратбаев атындағы тарихи-мемориалдық мұражай – Қызылорда облысының республикалық маңызы бар тарих және мәдениет ескерткіштері тізіміне енген қала құрылысы және сәулет ескерткіші.
| Ғани Мұратбаев атындағы тарихи-мемориалдық мұражай | |
.jpg) | |
| Бұрынғы атауы |
Орыс саудагерінің үйі; Депутаттар кеңесінің ғимараты. |
|---|---|
| Жалпы мәлімет | |
| Статусы |
Республикалық маңызы бар сәулет ескерткіші |
| Мекен жайы |
Қорқыт ата көшесі |
| Орналасқан қала | |
| Құрылысы басталды |
XIX ғасырдың соңы мен XX ғасырдың басы |
| Жөнделген уақыты | |
Орналасқан жері
өңдеуҚазалы ауданы, Қазалы қаласы, Қорқыт ата көшесі.
Кезеңі
өңдеуМұражай ғимараты XIX ғасырдың соңы мен XX ғасырдың басында салынған. XIX ғасырдың II жартысында Сібірден әкелінген ағаш бөренелерден салынған орыс саудагерінің үйі болған, кейін Кеңес үкіметі орнаған жылдары мұражайға Еңбекшілер депутаттары Қазалы қалалық Кеңесінің кеңсесі орналасқан ғимарат берілді.
Тарихи деректер
өңдеу1968 жылғы 7 қарашада Халық депутаттары кеңесінің Қазалы аудандық атқару комитетінің шешімімен Қазалы қаласында Қазақстанның алғашқы жастар бірлестігін құрудың бас бастамашыларының бірі Ғани Мұратбаев атында Революциялық Мемориалды мұражай ашылды. Ұзақ уақыт бойы мұражай облыстық тарихи-өлкетану мұражайының кішкентай филиалы болып саналды.
1981-1984 жылдары мұражайға толығымен қайта бастау және қайта құру жұмыстары жүргізілді, жалғама жұмыстары жасалды. 1981 жылан бастап Ғани Мұратбаев мұражайы республикалық маңызы бар жеке мұражай болып құрылады.
1991-1992 жылы Ғани Мұратбаевтың 90-жылдығына орай, мұражайда қайта бастау жұмыстары жасалып, кино залы, сақтау қорлары мен қазандық сияқты кейбір бөлмелер қосылды.
1998 жылы Қазақстанда Ғани Мұратбаев атында қор ашылды.
2007 жылы мұражай Ғани Мұратбаевтың туғанына 105 жыл толуын тойлады.
2008 жылы наурыз айынан сәуірге дейін мұражай залдарын қайта бастау жұмыстары жүргізілді.[1]
Мұражай экспозициялары
өңдеуМұражайдың кіреберіс залында Ғанидің гипстен жасалған бейнесі қойылған. І және ІІ залы Ғани туған өлкенің тарихына арналады. ІІІ-VI залдар экспозициясы оның балалық шағы мен қызмет еткен уақыты туралы. VII зал Ғаниді ақтық сапарға шығарып салу сәтіне және Ғанидің замандастары мен ізбассарларына арналған. Үлкен көлемді жаңа "Қазақстан Республикасының Тәуелсіздігі" залы пайда болды. Онда Елбасы мен Елбасының бағадараламары, рәміздер Желтоқсанның құрбандары, қазақтың тұңғыш ғарышкерлері және Астана туралы фотосуреттер мен мәліметтер берілген.
Бүгінде мұражай топтамасы 5710 жәдігерден тұрады, оның ішінде 1130 жәдігер Ғани Мұратбаевтың өмірі мен жұмыстарына қатысты,
Дереккөздер
өңдеу- ↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9