Ғылыми атақ – терең кәсіби білімі бар, ғылым және ғылыми-педагогтік қызметте жетістіктерге қол жеткізген адамдарға берілетін доцент және профессор атақтары.
Профессор ғылым атағы «ғылыми атақтар беру ережелеріне» (1999) сәйкес, жоғары оқу орындарында, ғылыми мекемелерде нәтижелі қызмет атқарып жүрген Қазақстан Республикасының мемлекеттік үлгідегі доцент ғылым атағы бар ғылым докторларына беріледі. Ал доцент ғылым атағы ғылылыми-педагогтік қызметте жүрген, аталған «Ереженің» шарттарына толық жауап беретін ғылым докторларына және ғылым кандидаттарына беріледі. Бұл ғылым атақтарды жоғары оқу орындарының, ғылым, ғылыми-зерттеу және ғылыми-өндірістік мекемелердің қызметкерлеріне олардың ғылыми кеңестерінің ұсынысы бойынша Қазақстан Республикасының Білім және ғылым министрлігінің Жоғары аттестациялық комитеті береді.
Профессорлар мен доценттерге Қазақстан Республикасында ғылым және ғылым-педагог қызметкерлерге ғылым. атақтар берілетін мамандықтардың тізбесіне сәйкес, мемл. үлгідегі аттестаттар тапсырылады. Ғылыми дәрежелерді және ғылым. атақтарды беру жөніндегі аттестациялау істерін қарайтын және белгіленген мемл. үлгідегі құжаттарды беретін мекеме – Қазақстан Республикасы Білім және ғылым министрлігінің Жоғары аттестациялық комитеті.[1]

ДереккөздерӨңдеу

<references>

  1. Қазақ Энциклопедиясы