Ғылым мен мектеп - егіз (тілек сөз)

Ғылым мен мектеп - егіз – Қаныш Сәтбаевтың Қазақстан мұғалімдерінің 3 съезінде айтқан тілек сөзі. 1989 жылы «Ғылым» баспасынан шыққан «Ғылым мен мәдениет туралы таңдамалы мақалалары» жинағына, 2007 жылы «Оңтүстік полиграфия» баспа үйі жариялаған шығармалар жинағының 1-томына енген.

Сәтбаев бұл сөзінде оқушыларға ғылым жөн-жоба сілтеу мұғалімнің бірінші парызы екені, Қазақстан мұғалімдерінің бұл съезі республикамыздың 40 жылдық мерекесі қарасаңында өтіп отырғаны, осынау 40 жыл ішінде Қазақстан өзінің дамуында аса зор қадам жасағаны, Қазақстанның табиғи байлықтарын зерттеп, игеруде орасан мол жұмыстар жүргізілгені туралы айта келіп, республикада Ғылым Академиясы, Ауыл шаруашылық академиясы, республикалық Ғылым Академиясының қабырғасында 25 ірі және кешенді ғылыми-зерттеу институттары жұмыс істейтіні, олар осы заманғы білімнің барлық саласын қамтитыны жөнінде мәлімет береді. Қазақстан мұғалімдерінің 3 съезіне қатысушыларға және республиканың барлық мұғалімдеріне олардың ізгі еңбектерінің үздік шығармашылық табыстарға жетуіне шын жүректен тілек білдіреді.