Ғылым қанаты (мақала)

Ғылым қанаты – Қаныш Сәтбаевтың мақаласы. 1989 жылы «Ғылым» баспасынан шықкан «Ғылым мен мәдениет туралы таңдамалы мақалалары» жинағына, 2007 жылы «Оңтүстік полиграфия» баспа үйінен жарық көрген шығармалар жинағының 1-томына енген. Бұл мақаласында ғарыш әлемінде Герман Титовтың 25 сағаттан астам болып, жер шарын 17 рет айналып келгені, көп ұлтты Кеңес Одағы халықтарының жетістіктеріне бүкіл дүние жүзінің көзі жеткені туралы жазады.

Ғалым мұндай зор оқиғаға Қазақстан ғалымдары да үлес қосты, оған Қазақ КСР Ғылым Академиясының физика, химия және металлургия, астрономия ғылымдарын зерттейтін институттарының еңбегі дәлел, мәселен, қазір академияның құрамында 51 ғылыми мекеме, 25 күрделі ғылыми-зерттеу институттары осы міндеттерге сай жұмыс істеуде.