Қабдолов атындағы көше (Алматы)

Қабдолов атындағы көше (Алматы қаласы) Көшеге көрнекті жазушы, білімпаз әдебиеттанушы, ұстаз-ғалым, филология ғылымдарының докторы, профессор, Қазақстан Республикасы Ұлттық Ғылым академиясының академигі, ҚР Халық жазушысы, Қазақстан және Қырғызстан Республикаларының еңбек сіңірген ғылым қайраткері - Зейнолла Қабдоловтың есімі (Алматы қаласы мәслихатының 02.08.2008 Ма128 шешімі мен Алматы қаласы әкімдігінің 14.08.2008 Ма 3/557 қаулысы) берілген. Қабдолов Зейнолла (1927-2006) Атырау облысы Мақат ауданы Доссор кентінде дүниеге келген. З.Қабдолов әдебиет теориясының негізін жасаушылардың бірі, бірнеше көркем шығармалардың авторы. Көше Әуезов ауданында орналасқан. Бұрынғы атауы - Маречек көшесі. Көшенің ұзындығы -1350 метр.