Қабыланқыр
Қабыланқыр – Үстірттің оңтүстігінде орналасқан үстіртті жазық.
| Қабыланқыр жазығы | |
| Сипаттамасы | |
|---|---|
| Теңiз деңгейiнен биіктігі | 305 м |
| Солтүстіктен оңтүстікке дейінгі қашықтық | 45 км |
| Орналасуы | |
| 41°18′04″ с. е. 55°50′15″ ш. б. / 41.301003° с. е. 55.837635° ш. б. (G) (O) (Я)Координаттар: 41°18′04″ с. е. 55°50′15″ ш. б. / 41.301003° с. е. 55.837635° ш. б. (G) (O) (Я) | |
| Елдер |  Қазақстан Түрікменстан |
Географиялық орны
өңдеуҚазақстан мен Түрікменстан мемлекеттері аралығында, солтүстік-батыстан оңтүстікке қарай доғаша иіліп 190 км-ге созылып жатыр.
Жер бедері
өңдеуАбсолюттік биіктігі 305 м, енді жері 45 км-ге жетеді. Қазақстан бөлігіндегі абсолюттік биіктігі 229 м (Құлантақыр тауы). Құлантақырдың кемерленіп келген батысын бойлай солтүстіктен оңтүстікке қарай 100 км-ге созылған Гекленқұм (Қарасор) соры жайласқан. Үстірттің жер бедері қиыршықты-сазды келген жазық.
Геологиялық құрылымы
өңдеуЖер қыртысы орта плиоцен дәуірінің әктас, теңіздің сазды-батпақты шөгінділерінен түзілген.
Өсімдігі
өңдеуСұр, сортаң сұр топырағында қара сексеуіл, тетір, баялыш, бұйырғын, тасбұйырғын, т.б. шөлдің сораң өсімдіктері өседі. Шығысында Қабыланқыр қорығы орналасқан (Түрікменстанда, 570 мың га). Батыс бөлігінің табанында минералдылығы 3 г/л-ден астам тұзды көлшіктер мен қайнар бұлақтар кездеседі. Қорықта қарақұйрық, қарақал, т.б. жануарлар мекендейді.[1]
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5