Қажымұқан көшесі (Алматы)

Қажымұқан көшесі (Алматы) Көшеге әлемнің бірнеше дүркін чемпионы атанған қазақ балуаны, жойқын күштің иесі, классикалық күрестің майталманы - Қажымұқан Мұңайтпасовтың (1871-1948) есімі (Алматы қаласы атқару комитетінің 04.09.1981 №18/458 шешімі) берілген. Қажымұқан Мұңайтпасов (1871- 1948) Ақмола облысында дүниеге келген. Ол Мәскеу, Омбы, Петербор, Париж, Лондон, Берлин қалаларында өткен кәсіби балуандар сайысына қатысқан. Балуан Ұлы Отан соғысы кезінде кеңес жауынгерлеріне ұшақ сыйлаған. Көше Медеу ауданында орналасқан. Достық даңғылынан басталып, 8-ші Гвардияшылар көшесіне дейін созылып жатыр. Байжанов, Фурманов, Ескендіров, Тайманов көшелерін қиып өтеді. Бұрынғы атауы - Алматы қиылысы. Көшенің ұзындығы - 1280 метр.