ҚазТрансОйл

ҚазТрансОйл
	ҚазТрансОйл
Түрі	акционерлік қоғам
Биржадағы листингі	KASE: KZTO
Құрылды	1997
Орналасуы	Қазақстан, Астана, Тұран даңғылы, 20
Басты адамдары	Арман Қасенов (Бас директоры/Басқарма төрағасы)
Саласы	мұнай тасымалдау
Басшы компания	ҚазМұнайГаз
Сайты	kaztransoil.kz

«ҚазТрансОйл» АҚ (қысқаша ҚТО) – магистральдық мұнай құбыры бойынша Қазақстан Республикасының ұлттық операторы, «ҚазМұнайГаз» ҰК АҚ тобына кіреді.

«Өзен-Атырау-Самара» магистральдық мұнай құбырының «Атырау-Самара» учаскесі, «Қазақстан-Қытай Құбыры» ЖШС жүйесіне ауыстырып тиеу («Атасу-Алашанькоу» мұнай құбыры), Ақтау порты («Атасу-Алашанькоу» мұнай құбыры) бағыттары бойынша қазақстандық мұнай өңдеу зауыттарына және экспортқа мұнайды тасымалдайды, «Каспий Құбыр Консорциумы-К» АҚ жүйесіне ауыстырып тиеу, мұнайды «Шағыр» МҚП Т.Қасымов атындағы МАС темір жол цистерналарына құю.

«ҚазТрансОйл» АҚ табиғи монополиялар субъектілерінің мемлекеттік тіркелімінің республикалық бөліміне енгізілген.

Қызметі

«ҚазТрансОйл» АҚ негізгі қызметі – мұнайды (айдау, тиеу, ағызу, құю, сақтау, араластыру) және мұнай өнімдерін магистральдық құбырлар арқылы тасымалдау бойынша қызметтер көрсету.

Еншілес және бірлескен-бақыланатын ұйымдар

«ҚазТрансОйл» АҚ төмендегі еншілес және бірлесіп бақыланатын ұйымдардың қатысушысы және акционерлері:

«Қазақстан-Қытай Құбыры» ЖШС (қатысу үлесі - 50%),
«МұнайТас» ЖШС (қатысу үлесі - 51%),
«Батуми мұнай терминалы» ЖШҚ (қатысу үлесі - 100%),
«Petrotrans Limited» жауапкершілігі шектеулі жеке компаниясы (100%),
«Магистральдық Суағызғысы» ЖШС (100%).

Басшылары

Қайнолла Қасенов (04—07.1997)
Нұрлан Қаппаров (1997—1998)
Ерлан Упушев (1998—1999)
Тимур Құлыбаев (1999—2001)
Болат Палымбетов (2002)
Абай Садықов (01—09.2002)
Асқар Сманқұлов (2002—2004)
Қайрат Қырымов (2004—2006)
Берік Толымбаев (2006—2007)
Нұртас Шманов (2007—2008)
Нұрбол Сұлтан (2009—2011)
Қайыргелді Қабылдин (2011—2015)
Нұртас Шманов (2015—2016)
Димаш Досанов (2016—2022)
Талғат Құрманбаев (2022—2024)
Арман Қасенов (2024—)

Қоршаған ортаны қорғау

Қоршаған ортаны қорғау және экологиялық қауіпсіздік «ҚазТрансОйл»АҚ орнықты дамуының маңызды құрамдас бөлігі болып табылады. Компания өз тәжірибесінде өндіріс мәселелерін шешу мен оның атмосфералық ауаға, су және жер ресурстарына және басқа да табиғи компоненттерге теріс әсер ету деңгейі арасындағы тепе-теңдікті сақтауға тырысады.

KASE листингі

2012 жылы «Халықтық IPO» бағдарламасы аясында ҚазТрансОйл Қазақстандық қор биржасында акциялардың 10% орналастырып, листинг жүргізді. Сұраныс ұсыныстан 2 есе асып, Қазақстанның 34 мыңнан астам азаматы акционер болды.

2023 жылғы дивидендтер 25 000 826 435 теңгені құрады.