Қазагро

«ҚазАгро» Ұлттық басқарушы холдингі» АҚ — Қазақстан Республикасы Президентінің 2006 жылғы 11 желтоқсандағы №220 «Агроөнеркәсіптік кешенді дамытудың кейбір мәселелері туралы» Жарлығына және Қазақстан Республикасы Үкіметінің 2006 жылғы 23 желтоқсандағы Қазақстан Республикасы Үкіметінің 2006 жылғы 23 желтоқсандағы №1247 «Қазақстан Республикасы Президентінің 2006 жылғы 11 желтоқсандағы №220 Жарлығын іске асыру жөніндегі іс-шаралар туралы» Қаулысына сәйкес құрылған холдинг. 2021 жылдың наурызында Мемлекет басшысының тапсырмасы бойынша «Бәйтерек» холдингімен біріктірілді.

«ҚазАгро» Ұлттық басқарушы холдингі» АҚ
Түрі	Акционерлік қоғам
Құрылды	2006 жыл
Жабылды	2021 жыл
Орналасуы	Қазақстан, Астана
Басты адамдары	Ербол Қарашөкеев (Басқарма төрағасы)
Сайты	kazagro.kz

Холдингке Қазақстан Республикасы Президентінің 2006 жылғы 24 ақпандағы №748 «Қазақстан Республикасы Президентінің 2006 жылғы 11 желтоқсандағы №220 Жарлығына өзгерістер енгізу туралы» Жарлығына және Қазақстан Республикасы Үкіметінің 2009 жылғы 13 наурыздағы №297 «Қазақстан Республикасы Үкіметінің 2006 жылғы 23 желтоқсандағы №1247 қаулысына өзгерістер мен толықтыру енгізу туралы» Қаулысына сәйкес ұлттық басқарушы холдинг мәртебесі берілді.

Холдинг АӨК саласында қызметін жүзеге асыратын ЕАҚ инвестициялық активтерін тиімді басқаруды және корпоративтік мәдениетін дамытуды қамтамасыз ету арқылы Қазақстан Республикасының АӨК дамытуды ынталандыру жөніндегі мемлекеттік саясатты іске асыру мақсатымен құрылған.

Холдингтің миссиясы нәтижелілік, ашықтық және холдингтің құрылымдарын тиімді корпоративтік басқару қағидаттарында АӨК индустриялық дамытуды ынталандыру жөніндегі мемлекеттік саясатты іске асыру болып табылады. Ауыл шаруашылығын дамытудың маңызды стратегиялық жобаларының қаржылық операторы бола отырып, холдинг АӨК өндірістік, ақпараттық және сервистік инфрақұрылымын әрі қарай дамытуды жүзеге асыру арқылы мемлекеттік және тартылған қаражатты қолжетімді, мақсатты және тиімді пайдалануды қамтамасыз ететін болады.

Бағынышты компаниялар

«ҚазАгро» ұлттық басқарушы холдингі» АҚ оның құрамына кіретін компаниялардың инвестициялық активтерін тиімді басқаруды қамтамасыз ету арқылы Қазақстанның агроөнеркәсіптік кешенін дамыту жөніндегі мемлекеттік саясатты жүзеге асырады. Холдингтің құрамына: «Азық-түлік келісім шарт корпорациясы» ұлттық компаниясы» АҚ, «ҚазАгроҚаржы» АҚ, «Аграрлық несие корпорациясы» АҚ, «Ауыл шаруашылығын қаржылай қолдау қоры» АҚ, «ҚазАгроӨнім» АҚ, «ҚазАгроМаркетинг» АҚ, «ҚазАгроКепіл» АҚ кіреді.

Басшылары

1. Әлихан Смайылов (01.2007-11.2008)
2. Асылжан Мамытбеков (11.2008-04.2011)
3. Берік Бейсенғалиев (04.2011-09.2012)
4. Дулат Айтжанов (09.2012-05.2015)
5. Нұрлыбек Малелов (05.2015-06.2018)
6. Рүстем Құрманов (06.2018-02.2019)
7. Ербол Қарашөкеев (04.2019-03.2021)

Миссия, мақсаттар, даму стратегиясы

Қазақстан Республикасы Үкіметінің «ҚазАгро» ұлттық басқарушы холдингі» акционерлік қоғамының 2011-2020 жылдарға арналған Даму стратегиясын бекіту туралы» 2011 жылғы 31 қантардағы № 52 қаулысына сәйкес «ҚазАгро» холдингі» АҚ миссиясы, пайымдауы, 2011-2020 жылдарға арналған қызметінің стратегиялық бағыты, мақсаттары, міндеттері, қызметінің түйінді көрсеткіштері анықталды.

Холдингтің миссиясы

Холдингтің миссиясы нәтижелілік, ашықтық және Холдингтің құрылымдарын тиімді корпоративтік басқару принципінде АӨК индустриялық дамытуды ынталандыру жөніндегі мемлекеттік саясатты жүзеге асыру болып табылады.

Холдингтің пайымдауы

Холдинг 2020 жылға қарай Қазақстан Республикасының АӨК салаларының тиімділігін арттыру жөніндегі мемлекеттік саясатты іске асыру саласындағы жетекші басқарушы компания болады. Ауыл шаруашылығын дамытудың маңызды стратегиялық жобаларының қаржылық операторы бола отырып Холдинг АӨК өндірістік, ақпараттық және сервистік инфрақұрылымын әрі қарай дамытуды жүзеге асыру арқылы мемлекеттік және тартылған қаражатты қолжетімді, мақсатты және тиімді пайдалануды қамтамасыз ететін болады. 2020 жылы Холдинг және оның барлық еншілес құрылымдары корпоративтік басқару рейтингіне ие болады, ол қызметінің ашықтығы мен адам әлеуетін дамытудың жоғары өлшемі негізінде Холдинг компаниясы тобының корпоративтік дамуының жоғары мәдениетін дәлелдейді.

Холдингтің қызметінің стратегиялық бағыттары

1. Индустрияландыру және әртараптандыру арқылы АӨК еңбек өнімділігінің өсуін ынталандыру.
2. Елдің азық-түлік қауіпсіздігін қамтамасыз етуге қатысу.
3. АӨК экспорттық әлеуетін дамытуға және іске асыруға жәрдемдесу.
4. АӨК субъектілерін қолдау жөніндегі қызметтің қолжетімділігін арттыру.

Сыртқы сілтемелер

• http://adilet.zan.kz/rus/docs/P060001247_
• http://www.kase.kz/ru/emitters/show/kzag Мұрағатталған 1 желтоқсанның 2016 жылы.