Қазақстан-Американдық еркін университеті

Қазақстан-Американдық еркін университеті (ҚАЕУ) – Өскемен қаласында орналасқан Халықаралық серіктестегі қалалық жоғары оқу орны.

Қазақстан-Американдық еркін университеті
Университет атауы
Халықаралық атауы	Kazakh-American Free University (KAFU)
Жалпы сипаттамасы
Құрылған жылы	1994
Түрі	Халықаралық серіктестіктегі меншік
Орналасуы
Орналасқан жері	Қазақстан, ШҚО, Өскемен
Мекенжайы	М. Горький көшесі, 76
Әкімшілік
Президенті	Мәмбетқазиев Ережеп Әлхайырұлы
Ректоры	Мәмбетқазиев Айдар Ережепұлы
Негізгі көрсеткіштер
Студенттер	2700
Сайты	https://kafu.edu.kz/kk/

Жалпы мәлімет

Қазақстан-Американдық еркін университеті халықаралық серіктестіктегі меншік жоғары оқу орны болып табылады. Университеттің салтанатты түрде ашылу және оның алғашқы түлектеріне диплом тапсыру кешіне ҚР Президенті Н. Назарбаевтың өзі қатысты. Н. Назарбаев университеттің бірінші «Құрметті профессоры». ЖОО-ның басшылық құрамында – АҚШ азаматтары: қамқорлық кеңесінің төрағасы Маршалл Кристенсен, халықаралық бағдарламалар және халықаралық бағдарламалар және ынтымақтастық бойынша вице-президент Дэниел Бэлласт бар. 2014 жылы университет өзінің 20 жылдығын атап өтті. ЖОО ҚР білім және ғылым Министрлігінің мемлекеттік үш аттестаттауынан өтті. Университеттің алты мамандығы ACBSP (АҚШ) (бағдарламалар мен алқалық бизнес-мектептердің ассоциациясы, АҚШ) ұйымының халықаралық мамандандырылған аккредитациясына ие болған. ЖОО негізгі басымдылығы-таңдаған мамандықтан басқа ағылшын тілі мен компьютерлік технологияны меңгерген мамандарды дайындау. Университет контингенті 3500-нан артық студенттер, магистранттар PhD докторанттарын құрайды.

ЖОО моделі екі бағдарламадан тұрады: американдық, қазақстандық және коптілділік. «Co-Serve International» (АҚШ) ұйымы мен Қамқолық Кеңесінің қатысуымен американдық бағдарлама аясында менеджмент, құқық, ақпараттық жүйелер, шет тілі саласында бакалавлар мен магистрлерді және Ph.D докторларын дайындалады. Олардың білім бағдарламасына құйған инвестициялары мен жоо-ның техникалық базасына кеткен қаржысы жылына 300 000 доллар мөлшерін құрайды. АҚШ, Канада, Европа мен Австралия мамандарын тарта отырып болашақ мамандар ағылшын тілінде оқытылады. Жыл сайын оқу үдерісіне 40-қа жуық шетелдік оқытушылар қатысады. 200-ден артық студенттер мен магистранттар АҚШ-ның жетекші компанияларында, банктерінде және биржаларында («INTEL», «NIKE», «LEXUS» және т.б.) кәсіптік практикадан өтті. Қазақстанда практикадан өту жағы көбінесе шетелдіктер жұмыс істейтін компанияларда қарастырылады. Оқытудың жоғары деңгейі «МUSKIE», «IREX», «DAAD» бағдарламалары мен Президенттік «Болашақ» және т.б. бағдарламалар аясында АҚШ, Ұлыбритания және Германия университеттерінде студенттер білім алған көптеген гранттармен расталған.

ЖОО-ның аса дарынды 8 студенті магистратурадағы, докторантурадағы оқуды ары қарай жалғастыру үшін Нортвест Назарин университетінің (АҚШ) гранттарына ие болды.

Университет базасында жыл сайын американдық студенттермен бірлесе отырып мәдени-лингвистикалық бағдарламалар өткізіледі. Түлектер бір мезгілде қазақстандық және американдық диплом алады, сонымен қатар ағылшын тілі мен компьютерлік технологияны меңгергені туралы сертификатқа ие болады.

Қазақстандық бағдарлама күндізгі оқыту түрі негізінде әр түрлі гуманитарлық бағыттағы мамандықтар бойынша соның ішінде, педагогикалық бағыттағы түлектер басқа жоо-мен салыстырғанда қолдарына дипломмен бірге ағылшын тілі мен компьютерлік технологияны меңгергені туралы сертификат алады және олардың бәсекеге қабілеттілігі артады, маман ретінде жаңа ұрпақты тәрбиелеу бойынша ауылдық мектептер мәселесін шешуге мүмкіндік береді. ЖОО-ның түлектерінің бәсекеге қабілеттілігі еңбек нарығында жоғары сұранысқа ие. Бүгінгі таңда түлектері ҚР Сыртқы істер Министрлігінде, Қаржы Министрлігінде, «Қазмырыш» ЖШС, «ҮМЗ» АҚ, «Өскемен ТМК», «АЗИЯ АВТО» АҚ сияқты отандық және «AES», «Қазақойл», «Шеврон Тексако», «Procter and Gamble», «Deloitte and Touch» аудиторлық фирмасында, т.б. шетелдік компанияларда табысты қызмет етуде. ЖОО студенттерін АҚШ университеттерінде қашықтықтан тегін оқыту мүмкіндігімен бірге жаһандық «INTERNET» желісі ресурстарына қол жетімділігі қарастырылады.

ЖОО «Американдық мәденит алмасу» Ассоциациясымен ағылшын тілін АҚШ университеттерінде жүйелі түрде оқыту, үздік компанияларда тәжірибелер мен жұмыс өтілімдерін ұйымдастыру бойынша эксклюзивті өкілі болып табылады. Университет құрылымында көпсалалы колледж, Іс жүргізу бойынша білім беру мен біліктілікті арттыру орталығы, Жеке тұлға мен мансапты дамыту орталығы бар. Университет Қазақстандағы АҚШ елшілігімен, АҚШ-тағы Қазақстан елшілігімен, сонымен қатар, американдық және ресейлік көшбастаушы университеттермен тығыз байланыс орнатқан. Атап айтқанда: Нортвест Назарин университеті, Конкордия университеті, Уорнер Пасифик университеті, Аризондық мемлекеттік университеті, Санкт-Петербургтік ақпараттық технология, механика және оптика ғылыми-зерттеу университеті, Алтай мемлекеттік университеті және Сібір кооперация тұтынушылық университеті. Университеттің 6 оқу корпусы, АҚШ-та 2 кеңсесі (Орегон және Флорида штаттары), компьютерлік сыныптары, оқу зертханалары, спорт залдары, типография, заманауи кітапхана, жабдықталған қонақ үйі, жатақхана, оқу-өндірістік «Сібе» кешені және демалыс орны бар.

Академиялық бағдарламалар

Әлемдік білім беру кеңістігінде бірыңғай білім беру ортасын құруды, дипломдарды өзара құрметтеуді қарастыратын Болон декларациясы республикада интеграция жолының тұрақты бағытына негізделген. Білім саласындағы ұлттық бағдарламаның басты міндеті әлемдік тенденциялар арасында қолайлы балансқа, стандарттар мен жеке позитивті тәжірибелерге, отандық дәстүрлі ерекшеліктерге қол жеткізу болып табылады. ҚАЕУ бұрын да қазіргі Қазақстанның болашағы үшін осы қажеттілікті болжаған болатын. Еңбек нарығында лайықты бәсекеге түсе алатын мамандарды дайындаудың жоғары деңгейі 1999жылы ҚАЕУ алғашқы түлектеріне ҚР Президенті Н. Назарбаев екі тілдегі: қазақстандық және американдық екі дипломды табыстаған кезде белгілі болған еді. Бүгін ҚАЕУ түлектерінің дипломдарын World View Ассоциациясының мүшелері болып табылатын, халықаралық университеттері мойындап отыр. ҚАЕУ осы ассоциацияның ресми мүшесі. Бүгінгі таңда университет Орегон штаты территориясында білім беру қызметін жүргізу құқығымен осы штаттың толық құқықты жоо ретінде тіркелген. Оқу жоспарлары мен бағдарламаларын бір ізге салудың, екі елдің білім беру технологияларының прогрессивті элементтерін пайдаланудың арқасында осы жетістікке қол жетті.

Қазақстан-Американдық еркін университет - бакалавларды халықаралық стандарт бойынша (мемлекеттік лицензия 23 қараша 2010 жылы берілген № 0137478) дайындай бастаған бірінші жоғары оқу орны. Университетте оқыту екі факультетте - «Бизнес, құқық және педагогика» және «Қашықтықтан оқыту» факультеттерінде бакалавриат мамандықтары бойынша, магистратура, PhD докторантурасы бойынша екі бағдарламамен (қазақстандық және американдық) жүргізіледі.

Жоғары оқу орнына дейінгі білім беру

• ҚАЕУ колледжі - күндізгі оқыту түрі бойынша 9-11 сынып базасында, сырттай оқыту түрі бойынша 11 сынып базасында мамандарды дайындап орта кәсіптік білім беруді жүзеге асырады. 2003 жылдан бастап жұмыс жасайды.
• Өскемен экономика және қаржы колледжі - 2011 жылы ҚАЕУ-нің құрылымына енді. Өзінің қызмет ету кезеңінде білім беру бірлестіктеріне қабылданып, жетістіктеріне байланысты марапатқа ие болған. Сырттай оқыту түрі бойынша 11-сынып базасында, күндізгі оқыту түрі бойынша 9-11 сынып базасында мамандарды дайындап орта кәсіптік білім беруді жүзеге асырады. 1943 жылы құрылды.

Сілтеме

• Ресми сайты Мұрағатталған 4 желтоқсанның 2020 жылы.