Қазақстан Республикасының Сот әкімшілігі

Қазақстан Республикасының Сот әкімшілігі — ҚР Жоғарғы Сотының, облыстарда, астанада және республикалық маңызы бар қалаларда аумақтық бөлімшелері бар жергілікті және басқа да соттардың қызметін ұйымдастырушылық-құқықтық, ақпараттық-талдамалық және материалдық-техникалық қамтамасыз етуді жүзеге асыратын сот әкімшілігі саласындағы мемлекеттік орган.

Қазақстан Республикасының Сот әкімшілігі
Жалпы мағлұмат
Мемлекет	Қазақстан
Құрылған уақыты	8 қыркүйек 2022 жыл
Штаб-пәтері	010000, Астана қаласы, Дінмұхамед Қонаев көшесі, 39
Басшысы	Наиль Рафисович Ахметзакиров
Ресми сайты
sud.gov.kz/kaz/content/sot-kimshiligi

Тарихы

Қазақстан Республикасы Президентінің 2000 жылғы 1 қыркүйектегі N440 Жарлығымен ҚР Жоғарғы Сотының жанынан Сот әкімшілігі комитеті құрылды. Президенттің 2010 жылғы 22 қыркүйектегі № 1066 Жарлығымен комитет ҚР Жоғарғы Соты жанындағы Соттардың қызметін қамтамасыз ету департаменті (ҚР Жоғарғы Соты аппараты) және ҚР Әділет министрлігінің Сот актілерін орындау комитеті болып екіге бөлінді. ҚР Үкіметінің 2014 жылғы 14 тамыздағы № 933 қаулысымен Сот актілерін орындау комитеті таратылды. ҚР Президентінің 2022 жылғы 8 қыркүйектегі № 1002 Жарлығымен ҚР Жоғарғы Сотының жанындағы Соттардың қызметін қамтамасыз ету департаменті ҚР Сот әкімшілігі болып қайта құрылды.

Міндеттері

1. Сот әкімшілігі саласында мемлекеттік саясатты қалыптастыру
2. Сот төрелігін тәуелсіз жүзеге асыру үшін қажетті әрі жеткілікті жағдайлар жасау
3. Сот жүйесін және соттардың қызметін жетілдіруге бағытталған жүйелі реформаларды әзірлеу

Қарамағындағы аумақтық бөлімшелер

• Сот әкімшілігінің облыстар мен Алматы, Астана, Шымкент қалалары бойынша департаменттері
• Сот әкімшілігінің әскери сотының департаменті

Басшылары

Сот әкімшілігінің басшысын Жоғарғы Сот Төрағасының ұсынуымен және Жоғары Сот Кеңесімен келісу бойынша Қазақстан Республикасының Президенті лауазымға тағайындайды және лауазымнан босатады.

Жоғарғы Сот жанындағы Сот әкімшілігі комитеті

1. Серік Байбатыров (2001—2002)
2. Владимир Борисов (2002—2004)
3. Бақытжан Әбдірайым (2007)
4. Ирак Елекеев (2008—2009)
5. Георгий Ким (2009—2010)

Жоғарғы Сот жанындағы Соттардың қызметін қамтамасыз ету департаменті

1. Наиль Ахметзакиров (05.2019-23.01.2023)

Сот әкімшілігі

1. Наиль Ахметзакиров (2023 жылғы 23 қаңтардан бері)