Қазақстан Республикасының спорт шебері

«Қазақстан Республикасының спорт шебері» — 1994 жылы Қазақстан Республикасы жастар, туризм және спорт жөніндегі істер министрлігі қарамағындағы Дене шынықтыру Жоғарғы Кеңесі мен Қазақстан Республикасы Үкіметінің қаулысымен бекітілген Қазақстан Республикасындағы спорттық атақ.

Қазақстанда спорттық атақтары анықталған Бірыңғай спорттық жіктемесі (БСЖ) бар: «Қазақстан Республикасының еңбек сіңірген спорт шебері», «Қазақстан Республикасының халықаралық дәрежедегі спорт шебері» (ХДСШ), «Қазақстан Республикасының спорт шебері» (СШ), «Қазақстан Республикасының еңбек сіңірген жаттықтырушысы» (ҚРЕСЖ), сондай-ақ спорттық разрядтар: «Қазақстан Республикасының спорт шеберлігіне кандидат» (СШК), 1-ші, 2-ші, 3-ші спорттық (ересектер) разрядтары және 1-ші, 2-ші, 3-ші жасөспірім разрядтары.

Иемдену қағидасы

Қазақстан Республикасы мәдениет және спорт министрлігінің тиісті бұйрығында^[1] көрсетілгендей әрбір спорт түріне атақ берудің өзіндік қағидалары мен талаптары бар.

Иемдену тәртібі

Қазақстан Республикасының азаматтарына «Қазақстан Республикасының спорт шебері» спорттық атағын республикалық және аймақтық спорт федерациялары аккредиттелген облыстың (республикалық маңызы бар қалалардың, астаналардың) жергілікті атқарушы органының ұсынысы бойынша дене шынықтыру және спорт саласындағы уәкілетті орган береді.

Спорттық атақтың орындалуын «Жоғары санатты ұлттық спорт төрешісі» санатындағы кемінде үш төрешіден тұратын спорт түрі бойынша төрешілер алқасы растайды.

Ұқсас дәрежелер

Мұндай атаулар Болгарияда, Польшада (әлі де бар), ГДР, Румыния және Чехословакияда болды. 1992 жылдан бастап «спорт шебері» атағын бұрын КСРО құрамында болған бірқатар мемлекеттер – Ресей, Украина, Беларусь, Қазақстан, Қырғызстан, Молдова, Тәжікстан, Өзбекстан бекітті.

Тағы қараңыз

Сілтеме

Дереккөздер

↑ "Спорттық атақтарды, разрядтарды және біліктілік санаттарын беру нормалары мен талаптарын бекіту туралы" Қазақстан Республикасы Мәдениет және спорт министрінің м.а. 2014 жылғы 28 қазандағы № 56 бұйрығы. Қазақстан Республикасының Әділет министрлігінде 2014 жылы 25 қарашада № 9902 тіркелді — Қазақстан Республикасы нормативтік құқықтық актілерінің ақпараттық-құқықтық жүйесі

[1] "Спорттық атақтарды, разрядтарды және біліктілік санаттарын беру нормалары мен талаптарын бекіту туралы" Қазақстан Республикасы Мәдениет және спорт министрінің м.а. 2014 жылғы 28 қазандағы № 56 бұйрығы. Қазақстан Республикасының Әділет министрлігінде 2014 жылы 25 қарашада № 9902 тіркелді — Қазақстан Республикасы нормативтік құқықтық актілерінің ақпараттық-құқықтық жүйесі

[1]