Қазақстан Республикасының Қаржылық мониторинг агенттігі

Қазақстан Республикасының Қаржылық мониторинг агенттігі — Қазақстан Республикасының Президентіне тікелей бағынатын және есеп беретін, қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласында, сондай-ақ, Қазақстан Республикасының заңнамасында осы органның құзырына жатқызылған экономикалық және қаржылық құқық бұзушылықтардың алдын алу, оларды анықтау, жолын кесу, ашу және тергеп-тексеру бойынша басшылықты жүзеге асыратын мемлекеттік орган болып табылады.

Қазақстан Республикасының Қаржылық мониторинг агенттігі
Жалпы мағлұмат
Мемлекет	Қазақстан
Құрылған уақыты	28 қаңтар 2021
Мекемені басқарады	Қазақстан Республикасының Президентіне тікелей бағынады және есеп береді
Төрағасы	Элиманов Жанат Қалдыбекұлы
Ресми сайты
https://www.gov.kz/memleket/entities/afm?lang=kk

Тарихы

Қазақстан Республикасы Президентінің 2021 жылғы 28 қаңтардағы № 501 Жарлығымен Қазақстан Республикасы Қаржы министрлігінің қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы күрес, сондай-ақ экономикалық және қаржылық қылмыстар мен құқық бұзушылықтардың алдын алу, анықтау, жолын кесу, ашу және тергеу салалардағы атқарымдары мен өкілеттіктері беріліп, Қазақстан Республикасы Қаржы мониторингі агенттігі құрылды.

Міндеттері

1) қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласындағы бірыңғай мемлекеттік саясатты іске асыру;

2) Қазақстан Республикасының заңнамасымен осы органның жүргізуіне жатқызылған экономикалық және қаржылық құқық бұзушылықтардың алдын алу, анықтау, жолын кесу, ашу және тергеп-тексеру;

3) қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл салаларында бірыңғай ақпараттық жүйе құру және республикалық деректер базасын жүргізу;

4) қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласында шет мемлекеттердің құзыретті органдарымен өзара іс-қимылды және ақпарат алмасуды жүзеге асыру;

5) қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл, мемлекеттік органдардың осы бағыттағы қызметін үйлестіру;

6) қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл мәселелері бойынша халықаралық ұйымдарда Қазақстан Республикасының мүдделерін білдіру;

7) Агенттіктің жүргізуіне жатқызылған мәселелер бойынша Қазақстан Республикасының заңнамасына сәйкес халықаралық ынтымақтастықты жүзеге асыру;

8) Қазақстан Республикасының заңдарында және Президентінің актілерінде айқындалатын өзге де міндеттер.

Құрылымы

Жетекшілігі

1. Қазақстан Республикасы Қаржылық мониторинг агенттігінің Төрағасы — Элиманов Жанат Қалдыбекұлы
2. Қазақстан Республикасы Қаржылық мониторинг агенттігі Төрағасының бірінші орынбасары — Садырбеков Ғабит Амангелдіұлы
3. Қазақстан Республикасы Қаржылық мониторинг агенттігі Төрағасының орынбасары — Елемесов Жеңіс Фарахатұлы
4. Қазақстан Республикасы Қаржылық мониторинг агенттігі Төрағасының орынбасары — Раисов Ұлан Ермұханұлы
5. Аппарат басшысы — Сағындықов Әмір Абайұлы

Департаменттері

• Қаржылық мониторинг субъектілерімен жұмыс департаменті
• Қаржылық мониторинг департаменті
• Цифрландыру департаменті
• Құқықтық қамтамасыз ету департаменті
• Тергеу департаменті
• Жедел департамент
• Превенция және талдау әзірлемелері департаменті
• Жеке қауіпсіздік департаменті
• Стратегия және жедел басқару департаменті
• Кадр жұмысы департаменті
• Әкімшілік департаменті
• Ішкі аудит қызметі

Басқармалары

• Бұқаралық ақпарат құралдарымен жұмыс басқармасы
• Криминалистика басқармасы

Басшылығы

№	Аты-жөні	Қызмет еткен кезеңі	Лауазым атауы
1
2	Элиманов Жанат Қалдыбекұлы	2020 жыл 28 қаңтар — 2021 жыл 27 қаңтар	Қазақстан Республикасы Қаржы министрлігі Қаржы мониторингі комитетінің төрағасы
3	Элиманов Жанат Қалдыбекұлы	2021 жыл 28 қаңтардан бастап	Қаржы мониторингінің төрағасы