Дмитрий Михайлович Малахов

Дмитрий Михайлович Малахов (27 тамыз 1974 жыл, Көкшетау) — қазақстандық мемлекеттік қайраткер, генерал-майор, Жоғары Сот Кеңесінің төрағасы.

Дмитрий Михайлович Малахов
Лауазымы
Ту Қазақстан Республикасы Жоғары Сот Кеңесінің төрағасы Ту
19 қыркүйек 2024 жылдан бастап
Президент	Қасым-Жомарт Тоқаев
Ізашары	Денис Шипп
Ту Қазақстан Республикасы Қаржылық мониторинг агенттігінің төрағасы Ту
13 ақпан 2024 жыл — 16 қыркүйек 2024 жыл
Президент	Қасым-Жомарт Тоқаев
Ізашары	Жанат Элиманов
Ізбасары	Жанат Элиманов
Ту Қазақстан Республикасы Қаржылық мониторинг агенттігі төрағасының орынбасары Ту
11 қазан 2023 жыл — 13 ақпан 2024 жыл
Президент	Қасым-Жомарт Тоқаев
Ту Қазақстан Республикасы Сыбайлас жемқорлыққа қарсы іс-қимыл агенттігі төрағасының бірінші орынбасары Ту
наурыз 2022 жыл — қазан 2023 жыл
Президент	Қасым-Жомарт Тоқаев
Ту Қазақстан Республикасы Сыбайлас жемқорлыққа қарсы іс-қимыл агенттігі төрағасының орынбасары Ту
қыркүйек 2020 жыл — наурыз 2022 жыл
Президент	Қасым-Жомарт Тоқаев
Өмірбаяны
Білімі	Қазақстан Республикасы Ішкі істер министрлігінің Алматы жоғары мектебі (1991-1995) Т.Рысқұлов атындағы Экономика және қаржы университеті (2003-2005)
Мамандығы	заңгер-құқықтанушы, экономист
Дүниеге келуі	27 тамыз 1974 (1974-08-27) (50 жас) Көкшетау, Ақмола облысы, Қазақ КСР, КСРО
Марапаттары

Білімі

Қазақстан Республикасы Ішкі істер министрлігінің Алматы жоғары мектебін (1991-1995), Т.Рысқұлов атындағы Экономика және қаржы университетін (2003-2005) бітірген. Мамандығы «Заңгер – құқықтанушы, экономист».

Еңбек жолы

Ішкі істер органдарында, қаржы полициясында, сыбайлас жемқорлыққа қарсы қызметте және экономикалық тергеу қызметінде жұмыс істеген.

2004-2019 жылдары Ішкі істер министрлігі, Қаржы полициясы және Сыбайлас жемқорлыққа қарсы іс-қимыл ұлттық бюросы облыстық және орталық аппараты басқармалары басшысының орынбасары;

2019-2020 жылдары Қазақстан Республикасы Қаржы министрлігі Қаржы мониторингі комитеті Операция басқармасының басшысы;

2020-2022 жылдары Қазақстан Республикасы Сыбайлас жемқорлыққа қарсы іс-қимыл агенттігі төрағасының орынбасары;

2022-2023 жылдары Қазақстан Республикасы Сыбайлас жемқорлыққа қарсы іс-қимыл агенттігі төрағасының бірінші орынбасары;

2023 жылдан бері Қазақстан Республикасы Қаржы мониторингі агенттігі төрағасының орынбасары.

2024 жылы 13 ақпанда Қаржылық мониторинг агенттігінің төрағасы болып тағайындалды.

2024 жылы 16 қыркүйекте Президент Жарлығымен Қаржылық мониторинг агенттігінің төрағасы лауазымынан босатылды.

2024 жылы 19 қыркүйекте Жоғары Сот Кеңесінің Төрағасы лауазымына тағайындалды.

Марапаттары және атақтары

2-дәрежелі «Айбын» орденінің және мерейтойлық және ведомстволық наградалардың иесі. Сыбайлас жемқорлыққа қарсы қызмет генерал-майоры (05.06.2022 ж.).