Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті

Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті — мемлекеттік құқықтық статистиканы қалыптастыру және арнайы есепке алуды жүргiзу жөнiндегi мемлекеттiк органның функциялары мен өкiлеттiктерін жүзеге асыратын Қазақстан Республикасының Бас прокуратурасының ведомствосы.

Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті
Жалпы мағлұмат
Мемлекет	Қазақстан
Құрылған уақыты	28 наурыз 2003 жыл
Штаб-пәтері	010000, Астана қаласы, Сарыарқа ауданы, Мәскеу көшесі, 34
Төрағасы	Нұрлыбай Сәбит Нұрлыбайұлы
Ресми сайты
gov.kz/memleket/entities/pravstat?lang=kk

Тарихы

Комитет ҚР Президентінің 2003 жылғы 28 наурыздағы Жарлығымен құрылды. Оған таратылған ҚР Бас прокуратурасы жанындағы Құқықтық статистика және ақпарат орталығының функциялары мен мүлкін басқару жөніндегі өкілеттіктері берілді.

Міндеттері

1. Мемлекеттiк органдарды, жеке және заңды тұлғаларды бiртұтас статистикалық қағидаттар мен стандарттардың негiзiнде елдегi заңдылық пен құқық тәртiбiнiң жай-күйi туралы тиiмдi және жеткiлiктi түрде ақпараттық жағынан қамтамасыз ету
2. Мемлекеттiк құқықтық ақпараттық статистикалық жүйенi жетiлдiру және дамыту

Құрылымы

• Жеке және заңды тұлғалардың өтініштері бойынша мемлекеттік құқықтық статистиканы қалыптастыру басқармасы
• Ақпараттандыру, цифрландыру және ақпараттық ресурстарды қорғау басқармасы
• Қылмыстық саладағы құқықтық ақпаратты қалыптастыру басқармасы
• Азаматтық және әкімшілік салалардағы құқықтық ақпаратты қалыптастыру басқармасы
• Қаржы және бухгалтерлік есеп басқармасы
• Өзіндік қауіпсіздік басқармасы
• Талдау жұмысы, халықаралық ынтымақтастық және норма шығармашылық қызметті үйлестіру басқармасы

Қарамағындағы мекемелер

• Комитеттің облыстар мен Алматы, Астана, Шымкент қалалары бойынша департаменттері
• Комитеттің әскери департаменті
• Комитеттің көліктегі департаменті