Бағдат Батырбекұлы Мусин
Бағдат Батырбекұлы Мусин (3 наурыз 1983 жыл, Екібастұз) — қазақстандық мемлекеттік қайраткер, кәсіпкер,[1] 2024 жылғы маусымнан Қазақтелеком компаниясының басқарма төрағасы.[2]
| Бағдат Батырбекұлы Мусин | ||||
.jpg) Мусин, 2023 жыл | ||||
| Лауазымы | ||||
|---|---|---|---|---|
| ||||
| 2 қыркүйек 2020 — 30 сәуір 2024 | ||||
| Президент | Қасым-Жомарт Тоқаев | |||
| Премьер-Министр | Асқар Мамин Әлихан Смайылов Олжас Бектенов | |||
| Ізашары | Асқар Жұмағалиев | |||
| Ізбасары | Жаслан Мәдиев | |||
| Өмірбаяны | ||||
| Білімі | Сүлейман Демирел атындағы университет (2004) Қазақ құқықтану және халықаралық қатынастар институты (2006) | |||
| Мамандығы | Компьютердің техникалық және бағдарламалық жасақтамасы (2004) Құқықтану (2006) | |||
| Дүниеге келуі | 3 наурыз 1983 (41 жас) Екібастұз, Павлодар облысы, Қазақ КСР, КСРО | |||
| Балалары | үш ұл және екі қыз | |||
| Марапаттары |  
| |||
өңдеу  |
||||
.svg)
Бұрын Мусин 2020–2024 жылдары Цифрлық даму, инновациялар және аэроғарыш өнеркәсібі министрі,[3][4][5] 2021–2022 жылдары ТМД Ғарыш жөніндегі мемлекетаралық кеңестің төрағасы[6] болды. 2019 жылы ол Қазақстан президенті басқарған Ұлттық қоғамдық сенім кеңесінің мүшесі еді,[1] кейінірек мүшелігін тоқтатты.
Өмірбаяны
өңдеу1983 жылы 3 наурызда Екібастұз қаласында дүниеге келген. 2004 жылы Сүлейман Демирел университетін «Компьютерлік технологияның бағдарламалық және аппараттық құралы» мамандандығы бойынша бітірген. 2006 жылы Қазақ заңтану және халықаралық қатынастар институтын бітірген, мамандығы –«Заңгер».
2004-2007 жж. - «Ұлттық ақпараттық технологиялар» АҚ мемлекеттік органдарында IT -бөлімшелерін құру департаментінің бас инженері, бөлім бастығы, директордың орынбасары
2007-2008 жж. - Қазақстан Республикасы Әділет министрлігінің «Республикалық құқықтық ақпарат орталығы» республикалық мемлекеттік кәсіпорны ақпараттық жүйелерді сүйемелдеу бөлімінің бастығы.
2008-2010 жж. - Қазақстан Республикасы Әділет министрінің ақпараттық технологиялар жөніндегі кеңесшісі, Қазақстан Республикасы Әділет министрлігі Ақпараттық технологиялар департаментінің бастығы.
2010-2011 жж. - Қазақстан Республикасы байланыс және ақпарат министрлігінің ақпараттық технологиялар саласындағы мемлекеттік саясат департаменті директорының орынбасары.
2011-2012 жж. - Мемлекеттік қызметтерді автоматтандыруды бақылау және Қазақстан Республикасы Байланыс және ақпарат министрлігі ХҚКО үйлестіру комитеті төрағасының орынбасары.
2012-2014 жж. - Қазақстан Республикасы Көлік және коммуникация министрлігі Мемлекеттік қызметтерді автоматтандыруды бақылау және ХҚКО үйлестіру комитетінің төрағасы.
2014 жылдың сәуір-тамызы - «Ұлттық ақпараттық технологиялар» акционерлік қоғамы басқармасының төрағасы.
2014-2017 жж. - «Қазпошта» АҚ басқарма төрағасы.
2017-2018 жж. - Қазақстан Республикасы Бас прокуратурасының Құқықтық статистика және арнайы есепке алу комитетінің төрағасы.
2020 жылғы 13 наурыздан бастап 20 шілдеге дейін - Қазақстан Республикасы Президентінің цифрландыру және инновациялық технологиялар жөніндегі кеңесшісі.
2020 жылғы 20 шілдеден бастап - Қазақстан Республикасы цифрлық даму, инновация және аэроғарыш индустриясының бірінші вице-министрі.
2020 жылғы 2 қыркүйектен бастап 2024 жылғы 30 сәуірге дейін — Қазақстанның цифрлық даму, инновациялар және аэроғарыш өнеркәсібі министрі. Қызметтен кеткенінің ресми себебі — «өз еркімен» отставка жариялауы.[2]
2024 жылғы 10 маусымнан бастап — Қазақтелеком басқарма төрағасы.[2]
Сын
өңдеуИнтернет-трансляция кезіндегі қателіктер
өңдеу2023 жылдың 23 сәуір күні цифрлық министрлік жүргізген YouTube тікелей эфирі кезінде көрермендер қателіктерге тап болды, Мусинның интернетті жақсарту жайлы сөзі онлайн көрермендерге анық емес болды.[7] Оқиғаның ирониялығы кейінірек интернет мемге айналды,[8][9][10] тікелей эфирдің сол бөлігін көргендер министрліктің жұмысын сынға алды. Министрліктің өзі бұл қателер интернеттің нашарлығынан емес, қолданылған бағдарламалық жасақтаманың себебінен орын алды деген.[7]
Интернет нашарлауы
өңдеу2023 жылдың маусымында цифрлық даму министрі Мусин интернеттің күрт нашарлау себептері деп радиофобтарды[11] және тарифтердің арзандығын[12] атады да, қазақстандықтарға "Интернетті судай үнемдеу керек" деген кеңес берді.[13] Осы тұжырымдамалары үшін ол сынға алынды. Kcell және Activ абоненттері байланыс проблемаларының бар екенін айтып кетті. Соған қарамастан ол Астананың "35 қаладан асып кеткенін" және Токиодағы интернеттен де күшті екенін айтып кетті және Астанада интернеттің нашар болғанын мойындамады.[14] Қазақстандық журналист Назымгүл Күмісбаева екі қаладағы интернетті салыстырып, Мусиннің сөзін теріске шығарды: Астананың ҚазМедиа ғимаратындағы интернет жылдамдығы секундына 5,2 мегабит болса, Токиода бұл сан 47,6-ға тең болды.[15]
Дереккөздер
өңдеу- ↑ a b Қазақстан Республикасы Президентінің жанындағы Ұлттық қоғамдық сенім кеңесінің ережесін және құрамын бекіту туралы (қаз.). Қазақстан президентінің ресми сайты (17 шілде 2019). Тексерілді, 1 мамыр 2023.
- ↑ a b c Бағдат Мусин "Қазақтелеком" компаниясының басқарма төрағасы болды (қаз.). Азаттық радиосы (10 маусым 2024). Тексерілді, 10 маусым 2024.
- ↑ Бағдат Мусин цифрлық даму министрі болып тағайындалды (қаз.). tengrinews (2 қыркүйек 2022). Тексерілді, 1 мамыр 2023.
- ↑ Бағдат Мусин Цифрлық даму министрі болып қайта тағайындалды (қаз.). BAQ.kz (4 сәуір 2023). Тексерілді, 1 мамыр 2023.
- ↑ Багдат Мусин освобожден от должности министра цифрового развития (орыс.). tengrinews.kz (30 апреля 2024). Тексерілді, 30 сәуір 2023.
- ↑ Бағдат Мусин Ғарыш жөніндегі мемлекетаралық кеңестің төрағасы болып сайланды (қаз.). Egemen Qazaqstan (29 қаңтар 2022). Тексерілді, 1 мамыр 2023.
- ↑ a b Зависшую трансляцию с Мусиным объяснили в Минцифры (орыс.). tengrinews (25 апреля 2023). Тексерілді, 1 мамыр 2023.
- ↑ "Сегодня стал героем мема" - Мусин прокомментировал зависшую трансляцию (орыс.). tengrinews (25 апреля 2023). Тексерілді, 1 мамыр 2023.
- ↑ НИКОЛАЕВ, Виктор "Стал героем мема": Мусин высказался о прерывающейся трансляции со своим участием (видео) (орыс.). nur.kz (25 апреля 2023). Тексерілді, 1 мамыр 2023.
- ↑ ЛҰҚПАН, М. "Мем кейіпкеріне айналдым". Бағдат Мусин қатып қалған эфирге байланысты пікір білдірді (қаз.). Massaget (25 сәуір 2023). Тексерілді, 1 мамыр 2023.
- ↑ МОСКОВЧУК, Анастасия Багдат Мусин посоветовал казахстанцам экономить Интернет как воду (орыс.). kazinform (25 июля 2023). Тексерілді, 26 шілде 2023.
- ↑ Мусин обвинил казахстанцев и радиофобов после критики Токаева (орыс.). tengrinews (11 июля 2023). Тексерілді, 26 шілде 2023.
- ↑ МҰРАТ, Арайлым Багдат Мусин посоветовал казахстанцам экономить Интернет как воду (орыс.). kazinform (26 июля 2023). Тексерілді, 26 шілде 2023.
- ↑ НУРУЛЛИН, Эльдар "Звонил, жаловался" - министр цифровизации о перебое со связью (орыс.). tengrinews (25 июля 2023). Тексерілді, 26 шілде 2023.
- ↑ После слов Мусина журналист сравнила интернет в Астане и Токио (орыс.). tengrinews (25 июля 2023). Тексерілді, 26 шілде 2023.