Қазақстан мұнай барлау

Қазақстан мұнай барлау - Қазақстанда 1943-58 ж. Мұнай іздестіру және мұнай барлау жұмыстарын атқарған геологиялық барлау тресі, "Қазақстанмұнайкомбинатының" құрамында 1943 ж. ұйымдастырылды, 1958 ж. Батыс Қазақстан геология басқармасы болып қайта құрылды. Трестің құрамында 6 мұнай барлау нысаны, мұнай іздестіру кеңсесі және Доссор механикалық шеберханасы болды. Трест 10 кен орын ашты, олардың ішіндегі ірілері: Сағыз, Солтүстік Қаратон, Батыс Тереңөзек, Қарсақ, Тәжіғали т.б. 1943-1947 ж. трестің басқармасы Доссор кентінде орналасты, 1947 жылы Гурьевке (Атырауға), "Қазақстанмұнай" бірлестігінің қарамағына ауыстырылды.