Қазақ ұлттық өнер университеті

Қазақ ұлттық өнер университеті немесе ҚазҰӨУ — Қазақстанның елордасы Астанада орналасқан жоғарғы оқу орны.

Қазақ ұлттық өнер университеті
Университет атауы
Халықаралық атауы	орыс. Казахский национальный университет искусств
Жалпы сипаттамасы
Құрылған жылы	1998
Түрі	Университет
Орналасуы
Орналасқан жері	010000, Қазақстан Республикасы, Астана қаласы, Тәуелсіздік даңғылы, 50
Әкімшілік
Ректор	Айман Мұсақожаева
Негізгі көрсеткіштер
Сайты	https://kaznui.edu.kz/

Қазақ ұлттық өнер университеті

Қазақ ұлттық өнер университеті

1998 жылы 31 наурызда ҚР Үкіметінің қаулысымен Астанада Қазақ ұлттық музыка академиясының негізінде құрылды. Республикамыздың солтүстік аймағында жоғары музыкалық оқу орнын ашу идеясын ҚР-ның бұрынғы президенті Нұрсұлтан Әбішұлы Назарбаев ұсынған болатын.

Қала

Қазақ Ұлттық Өнер Университеті Астана қаласында Ахмет Байтұрсынұлы және Қасым Аманжолов көшелерінің қиылысында орналасқан.

Университет туралы

Өнер саласындағы жаңа жоғары оқу орнының алдына маңызды міндеттер қойылды, ол – Астана қаласы мен солтүстік аймақтардың музыкалық инфрақұрылымын жоғары кәсіби мамандармен қамтамасыз ету. Жас Астана қалыптасқалы оның мәдени өмірін қамтамасыз ететін, болашақта оның рухани негізін құрайтын әртістер мен музыка мамандары, орындаушы ұжымдардың қажеттілігі аса түсті. Музыка академиясының ашылуы осы мәселелерді шешудің бірден-бір жолы болды. Қазақ ұлттық музыка академиясын ҚР халық әртісі, профессор Айман Қожабекқызы Мұсақожаева басқарды. Айман Қожабекқызы – әлемдік музыка кеңістігінде танымал қазақстандық скрипкашы. Ректордың табысты жұмыстарының арқасында 2009 жылы 12 қазанда ҚР Үкіметінің қаулысымен «Қазақ ұлттық музыка академиясы» жаңа мәртебеге ие болып, «Қазақ ұлттық өнер университеті» атауын иеленді. Енді университет дамудың жаңа сатысына шықты. ҚазҰӨУ мектеп-колледж кешенінде 5 бағдарлама, бакалавриатта 19 бағдарлама және магистратурада 15 бағдарлама бойынша мамандарды әзiрлейді. Университетте 2010 жылы жаңа өнер мамандықтары ашылды: мәдениеттану, өнертану, хореография, кескiндеме, мүсiн, режиссура (ойын және деректі кино), операторлық өнер, сценография (киiм дизайны, грим-визаж), кiтапхана iсі. Қазіргі кезде Университетте 6 факультет жұмыс істейді: музыка; театр, кино және ТВ; дәстүрлi музыкалық өнер; хореография; бейнелеу өнерi; әлеуметтiк-гуманитарлық ғылым. Білім мен өндіріс тығыз байланыста жүретін Университеттің өндірістік базасы – Астанадағы жұмыс істейтін барлық мәдени ұжымдар. Студенттер музыка өнері саласында 500 халықаралық байқаулардың және 400 республикалық байқаулардың лауреаттары атанды. ҚазҰӨУ түлектері өз мамандықтары бойынша 100% еңбекпен қамтамасыз етіледі. ҚазҰӨУ-де өнер мен мәдениет саласындағы танымал мамандар, ғылым кандидаттары мен докторлары, халық әртістері мен еңбек сіңірген әртістер, мәдениет қайраткерлері жұмыс істейді. Университет құрылымының бірі – өнертану ғылыми-зерттеу институты. Келешекте ҒЗИ-та ЮНЕСКО кафедрасы мен фольклор кабинетін ашу жоспарлануда. ҚазҰӨУ-ің үздіксіз дамуы – Елбасы Н.А. Назарбаевтың университет ұжымының алдына қойған міндеттердің табысты жүзеге асырылуының кепілі.

Мақсаты

Жоғарғы оқу орны алдына үлкен стратегиялық мақсат қойылды- инновациялық түрінде университет құру. Университет Еуропалық консерваториялар, Академиялар және жоғары музыкалық мектептер ассоциациясының ассоциациялық мүшесі (ЕКА) болып саналады. Осы орайда мәдениет және өнер саласында әлемдік кадрлар дайындау стандарты жоғары планкаға ұмтылуға мүмкіншілік береді. Оқу орны 11 жыл аралығындағы жетістіктері - 11 шетел оқу орындарымен музыкалық өнер саласында қарым-қатынас меморандумдарына қол қойылып, ол симпозиумдар және ғылыми конференциялар, екі жақ келісімімен шетел музыкант-профессорларының мастер-класстарын өткізуі, шығармашылық және ғылыми байланыстарды жүзеге асыруына мүмкіншіліктер.

Университет үзіліссіз білім алу жүйесінің өз саласындағы беделді үлгісі болып табылады: мектеп- колледж- бакалавриат-магистратура-докторантура, осы базада әр алуан өнер саласындағы мамандар дайындалады.