Қайырбек Сейітқұлұлы Сейтқұл

Қайырбек Сейітқұлұлы Сейтқұл. 1943 жылы 17 маусымда Түркістан облысы Ордабасы ауданы Темірлан ауылында туған. Қазақ. Әкесі - Өсжігітов Сейітқұл (1912-1986), Шымкент облысы Бадам кеңшарының жұмысшысы болған. Анасы - Өсжігітова Райхан Тәжібайқызы (1916-1982), Шымкент облысы Бадам кеңшарының жұмысшысы болған. Алматы халық шаруашылығы институтының есеп-экономика факультетін «Ауыл шарушылығындағы бухгалтерлік есеп» мамандығы бойынша бітірген (1972). Қазақ және орыс тілдерін біледі. КОКП мүшесі (1970-1991). 1960 жылдан - Шымкент облысы Бадам кеңшарында көмекші-шопан. 1968 жылдан - ҚазКСР комсомол органдарында басшылық қызметтер атқарған. 1977 жылдан - Алматы облыстық партия комитетінде және Қазақстан Компартиясы ОК аппаратында жұмыс істеген 1991 жылдан - ҚР Баспа және ақпарат министрлігінің басқарма бастығы, Халық депутаттары Апматы облыстық Кеңесі тексеру комиссиясының төрағасы. 1994 жылдан - ҚР Президенті Әкімшілігінің ұйымдастыру-бақылау басқармасының мемлекеттік инспекторы. 1996 жылдан бері - республикалық бюджеттің атқарылуын тексеру жөніндегі есеп комитетінің мүшесі. «Құрмет» орденімен (2006), «1941-1945 жылдардағы Ұлы Отан соғысындағы Жеңіске жиырма жыл» (1965) «Ерен еңбегі үшін. В.И. Лениннің туғанына 100 жыл толуы құрметіне» (1970), «Еңбек ардагері» (1990), «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентінө 10 жыл» (2005), «Астананың 10 жылдығы» (2008) медальдарымен марапатталған. Діни көзқарасы - мұсылман. Саяси қайраткер ретіндегі идеалы - Д.А. Қонаев. Қазақстанның болашағы туралы болжамы - «2030-стратегиясы» - біздің еліміздің табысты болашағы». Хобби - шахмат, тарих және әдебиет, елең жазады. Сүйіп оқитын әдебиеті - тарихи романдар, пәлсапалық трактаттар. Үйленген. Жұбайы - Әділова Гүлсара Сембекқызы (1953 жылы туған), «Қазақстанның су ресурстары» Қоғамдық қорының президенті. Ұлдары - Ғани (1970 жылы туған), Жамбыл (1972 жылы туған), Қасым (1975 жылы туған); қыздары - Ақмарал (1968 жылы туған), Дана (1995 жылы туған).