Қанкөбелек

Қанкөбелек, қанкөбелектәрізділер (Pyraloіdea) – жануарлар таксономиялық категориясында тұқымдас үсті тобына жататын көбелектердің ортақ атауы. Қанатының өрісі 10 – 30 мм, кейбір түрлерде 50 мм-дей. Қанаттарының түсі мен пішіні әр алуан. Қанкөбелек терге: нағыз қанкөбелек (Pyralіdae), сүйрік қанат қанкөбелек (Phycіtіdae), жалпақ қанат қанкөбелек (Pyraustіdae), шөптесін қанкөбелекі (Crambіdae), т.б. тұқымдастар кіреді. Жер шарында кең таралған, 10 мыңға жуық түрі белгілі. Қанкөбелек далалы, шөлейт, шөлді аймақтарда көбірек кездеседі. Олар негізінен ымыртта және түнде ұшады, сондықтан түнгі жарыққа (оттың, шамның) көп жиналады. Жұлдызқұрттары бүктелген немесе жібек талшықтармен шырмалған жапырақтың ішінде, кейбір түрлерінің жұлдызқұрттары өсімдіктің жемісі мен сабағын тесіп кіріп тіршілік етеді; басқа біреулері жібектен тоқылған түтікшелерін өсімдіктерге жабыстырады немесе топырақ астына, азық-түлік өнімдерінің арасына жасырады; су өсімдіктеріне жабысып тіршілік ететін түрлері де кездеседі. Қанкөбелектердің көптеген түрлері зиянкес жәндіктер болып табылады: шабындық қанкөбелекі, сабақша қанкөбелекі, күнбағыс қанкөбелекі – егістік дақылдардың зиянкестері; балауыз күйесі бос балауыз (ішінде балы жоқ) бен балауызды бүлдіреді; ұн қанкөбелекі, диірмен қанкөбелекі, оңтүстік қанкөбелекі, т.б. азық-түлік қорларына үлкен зиян келтіреді.

Қанкөбелек
жүгері сабақ көбелегі
Ғылыми топтастыруы
Дүниесі: Жануарлар Жамағаты: Буынаяқтылар Табы: Жәндіктер Сабы: Қабыршақ қанаттылар‎ Ұлы тұқымдасы: Pyraloidea
Тұқымдастары
Pyralidae Crambidae

Сілтемелер

• Көбелек
• Жәндіктер