Қанігі

Машықтанған, үйренген, теселген мағынасында қолданылатын сөз.

«Медеу малға үйір, мал өміріне кәнігі бала» (Ө. Тұрманжанов, Адам.). Орфографиялық сөздігімізде «кәнігі» болып жазылатыны ескертілген. Біз түсіндірме сөздіктегі жазылуын сақтап бердік. Араб тілінде «қанек» тұлғалы сөз «тәжірибелі ету, өмірге үйрету», ал «қонек» сөзі «өмір тәжірибесі, тәжірибелі» мағыналарында қолданылады (Араб.-рус. сл., 1970, I, 251). Осы сөз қазақ тіліне ауыса отырып, мағынасын да сақтай білген.