Қарағанды локомотив депосы

Қарағанды локомотив депосы (Қарағанды, Карпат к., 19), Қарағанды темір жолының Қарағанды бөлімшесі құрамында. Локомотивтердің жұмыс істеуін кадағалап тексереді және оларды жөндеуден өткізеді. Қарағанды көмір бассейнін транспортпен қамтамасыз ету қажеттілігінен Бурабай курорты - Қарағанды темір жол желісінің пайдалануға берілуіне байланысты 1933 ж. ұйымдастырылды. 1931-33 ж. депо Нұра станциясында болды. 1963 жылға дейін паровоздар, 1963-82 ж. аралығында тепловоздар пайдаланылды. 1981 ж. Қарағанды—Мойынты темір жол желісінің электрлендіруіне байланысты тепловоздарды электровоздар алмастырды. Депо ұжымдары ұйымдасқан күннен бастап, Қарағанды көмір бассейнінің, Балқаштың мыс балқыту кесіпорындарының, Жезқазған — Қарсақбай кен-металлургия кешенінің өнімдерін, түрлі материалдарды, жабдықтарды тасымалдап келеді. Ұлы Отан соғысы жылдарында цепо соғыс жағдайының барынша кауырт графигі бойынша жұмыс істеп, поездардың дамылсыз жүрісін камтамасыз етті. Қарағанды локомотив депосында 11 адам Ленин орденімен,6 адам Еңбек Қызыл Ту орденімен марапатталған.