Қарағанды педагогика институты

Қарағанды Педагогика Институты (ҚарПИ; 27-шағынаудан, Мұқанов к., 1) 1970 ж. Қарағанды Педагогика Институтынын спорт факультеті негізінде Қарағанды дене шынықтыру педагогика институты болып құрылды; 1984 жылдан осы аты берілді. Халық ағарту жүйесіне бастапқы әскери оқу, педагогика және психология (мектеп жасына дейінгі), педагогика және бастауыш білім беру, методикасы, дене тәрбиесі (оқу мерзімі — 4 жыл), дефектология, математика, еңбек оқуы, физика, сызу (оқу мерзімі —5 жыл) мамандықтары бойынша кадрлар даярлады. Институт құрамында 6 факультет (бастапқы әскери оқу, мектепке дейінгі тәрбие,педагогика және бастауыш білім беру методикасы,физика-математика, инженерлік-педагогика,дене тәрбиесі), 150 тындаушыға арналған даярлық бөлімі, 26 кафедра болды. Институт ректоры 1970-73 ж. Б. С. Мусин, 1973-1982 ж. Д. А. Шаймұханов, ал 1982 жылдан С. Қ. Досмағамбетов болды. 1996 ж. Қарағанды мемлекетгік университетіне косылды.