Қараөткел зираты
Қараөткел (Көкбел) мұсылман зираты — Астана қаласындағы көне зират, жергілікті тарихи-мәдени маңызы бар ескерткіш.
Жалпы ауданы — 17 125 шаршы метр.[1] Жәнібек тархан, Асан қайғы, А. Кравцов көшелері мен «Целинный» шағын ауданы аралығында орналасқан.
Зерттеушілер Қараөткел зиратының 1609–1962 жылдар аралығын қамтитынын анықтады. Бұл қорымда Тәуке ханның ұлы Сәмеке хан, Ақмоланың негізін қалаушы аға сұлтан Қоңырқұлжа Құдаймендеұлы, Бөгенбай, Қабанбай, Кенесары, Амангелді батырлардың сарбаздары, көпес Баймұхамед Қосшығұлов, діні мұсылман халыққа белгілі Самарқан, Бұхар, Қазан қалаларында туған қайраткерлер жерленген деген деректер бар. Араб, парсы, төте жазумен жазылған құлпытастар белгілі. Қазіргі таңда 2169 құлпытас сақталған екен.[2]
2011 жылы Халық ағарту комиссары Смағұл Сәдуақасовтың сүйегі Ресейден жеткізіліп, бұл зиратқа қойылды. Балуан Шолақ өзінің «Ғалия» әнінде жырлап кеткен ғашығы Ғалия Тілеуқызы да осында жерленген. Жалпы бұл қорымда 10000-ға жуық адам жерленгені анықталды.[3]
2012 жылы Акмолинскіде туған ресейлік бизнесмен Михаил Гуцериев Қараөткелде жерленген атасының және басқа да тарихи тұлғалардың рухына арнап, зиратқа қоршау салғызды, жолаушылар жолдарын қалатқызды, бейнебақылау орнатты.[4]
Дереккөздер
өңдеу- ↑ «Қараөткел» мұсылман зираты 1609-1962 жж. Мұрағатталған 26 маусымның 2021 жылы. Бірлескен мұражайлар дирекциясы сайтында
- ↑ «Қараөткел» көне қорымы — қала тарихының бір тармағы Мұрағатталған 26 маусымның 2021 жылы. «Астана ақшамы», 29.09.2012.
- ↑ «Қараөткел» – мұсылмандар қорымы Мұрағатталған 26 маусымның 2021 жылы. «Астана ақшамы», 15.11.2018.
- ↑ «Қараөткел» зираты жайлы қаншалықты білеміз? Мұрағатталған 26 маусымның 2021 жылы. Elorda.info.