Қарлығаш Төлегенқызы Мұхамеджанова

(Қарлығаш Мұхамеджанова бетінен бағытталды)

Қарлығаш Төлегенқызы Мұхамеджанова (1982 жыл, шілденің 22-ші жұлдызында дүниеге келген, Қарағанды қаласы, ҚазКСР, КСРО) — Қазақстан актрисасы.

Қарлығаш Мұхамеджанова
Жалпы мағлұмат
Туған күні

22 шілде 1982 (1982-07-22) (41 жас)

Туған жері

Қарағанды, Қазақ КСР

Азаматтығы

 Қазақстан

Мамандығы

актриса

Белсенді жылдары

2008 – қазіргі уақытқа шейін

Бағыты

драма

Өмірбаян өңдеу

Әкесі – белгілі композитор әрі сенатор Төлеген Мұхамеджанов, шешесі – әйгілі қазақ опера әншісі Нұржамал Үсенбаева.

Білімі өңдеу

2005 жылы Қазақ мемлекеттік заң академиясының халықаралық қатынастар факультетін «халықаралық қатынастар саласындағы заңгер» мамандығы бойынша бітірген. Кейін тілдік бағдарлама бойынша Бостон колледжінде білім алған. АҚШ-та екі жыл магистратурада оқып, тәжірибелік сынақтан өткен.[1]

Мансабы өңдеу

Елге оралған соң Қарлығаш екі жыл бойы «Cағындырған әндер-ай» ретро-фестивалінің, «Қазақстан» телеарнасындағы «Ән Арна» музыкалық бағдарламасының жүргізушісі болады[1]. Телеарнада жүрген кезінде болашақ "Лавэ" картинасының продюсерінің көзіне түсіп, сол фильмнің түсіріліміне шақырту алды.[2]

2008 жылы алғаш рет «Лавэ» фильміне түскен. Содан кейін «Рывок» («Серпіліс») және «Ирония любви» («Махаббат тәлкегі») фильмдерінде шағын рөлдерді сомдап шықты. Басты рөлін 2010 жылы «Сказ о розовом зайце» («Қызғылт қоян туралы хикая») картинасында ойнады[2].

Фильмографиясы өңдеу

  • 2008 – «Лавэ» - Жания
  • 2009 – «Серпіліс» («Рывок») - эпизод
  • 2010 – «Махаббат тәлкегі» («Ирония любви») - Бибігүл
  • 2010 – «А»-ға оралу» («Возвращение в «А») - Динара
  • 2010 – «Қызғылт қоян туралы хикая» («Сказ о розовом зайце») - Жека
  • 2011 – «Ликвидатор» - Жанна
  • 2011 – «Мамырдың жеті күні» («Семь майских дней») - Жанна
  • 2012 – «Жан жүрегім – Астана!» - Бекінің анасы
  • 2012 – «Барлық әлем біздің қолымызда» - эпизод
  • 2014 – «Дала дауысы» - Алтынай
  • 2015 – «Аманат» - Халима Бекмаханова
  • 2016 – «Сабина келін-2» - Қарлығаш
  • 2016 – «Жұлдыздар тоғысқанда» - Дариға Назарбаева

Дереккөздер өңдеу

  1. a b Қарлығаш Мұхамеджанова  (қаз.). Жан жүрегім – Астана.
  2. a b Қарлығаш Мұхамеджанова  (қаз.). Киностан.kz.