Қарнақ мешіті

Қарнақ мешіті — Түркістан облысы Кентау қаласы Қарнақ елді мекенінің орталығында орналасқан мешіт. Қарнақ мешіті 1890 жылы салынған. Салдыруға ұйытқы болған Байжан қожа есімді ақсақал.

1990 жылы Қарнақ ауыл жамағаты асар жолымен мешітті қайта жөндеуден өткізген. Жер көлемі 32.0 х 52.0 х 49.5 метр. Мешіт қабырғасы күйдірілген кірпішпен салынған, шатыры қаңылтыр, алды бастырма, бес бөлмелі, жалпы ұзындығы 30 метр, ені 12 метр. Кіреберіс және оң жақтағы үлкен намаз оқитын бөлмелері 12х12м, екі бөлменің ортасында 4 үстіні бар. Екі бөлмеде 400 адам намаз оқи алады. Михрабына әшекейлеп сүре аяттары жазылған. Сол жағында қыста бес уақытқа арналған намаз оқитын және діни сауат ашуға арналған сынып ашылған. Кіші бір бөлмеде жылу жүйесіне арналған пеші орнатылған.