Қарулы күштер тылы

Қарулы күштер тылы – әскерді тылмен және техникамен қамтамасыз етуге арналған күштер мен құралдар жүйесі. Ол ел экономикасы мен қарулы күштерді жалғастырушы буын қызметін де атқарады. Қарулы күштер тылы құрамына кіретін әскер бөлімдері мен мекемелері мынадай міндеттерді орындауы тиіс: қарулы күштер үшін қосымша материалдық құралдар ұстау және әскерді бекітілген норматив бойынша үздіксіз қамтамасыз етіп отыру; көлік құралдарын, байланыс жолдарын дайындауды, пайдалануды, техника бүркемелеу мен қалпына келтіруді ұйымдастыру; әскердің барлық түрлерінің жүріп-тұруын қамтамасыз ету; әскери техника мен адам күшін қалпына келтіру; авиация және флот күштері базасын ұстауға жағдай туғызу, жаралылар мен сырқаттанғандарға медициналық көмек көрсету; оларды көшіру мен емдеу, жұқпалы ауруларға қарсы алдын ала емдеу шараларын, санитарлық-гигиеналық және ветеринариялық іс-шараларды іске асыру; тұрмыстық-сауда орындарымен қамтамасыз ету, қаржы қорын ұйымдастыру, қарулы күштердің жауынгерлік қабілетін сақтауды қамтамасыз ету. [1]

ДереккөздерӨңдеу

  1. Қазақ энциклопедиясы