Қарун

Қарун (араб.: قارون‎) — Құран кейіпкері, Мұса пайғамбардың замандасы, өркөкірек бай. Құранда ол Перғауынмен және Хаманмен бір қатарда Алладан қарғыс алған Мұсаның дұшпаны ретінде аталады. Қарунның бай болғаны соншалық, бірнеше адам оның қазына қоймасының кілттерін әрең көтеріп жүргені туралы да айтылады, дүние-мүлкін өзінің білімі мен еңбегінің нәтижесі деп есептеген ол байлығын керемет мақтан еткен. Сондықтан, Алла жерді қақ айырған да, Қарунның өзін де, үйін де жер жұтқызған. Осыдан кейін-ақ оның орнын басуды армандаған адамдар тәубесіне келген, олар «дінсіз адамдардың бақытты бола алмайтынын» түсінген.

Қарун
араб.: قارون‎
Мұса мен Қарун
Азаматтығы	Мысыр патшалығы
Ұлты	Мысырлық
Қызметі	Бай

Аңыз-әңгімелерде бұл оқиға егжей-тегжейлі баяндалған. Құрандағы Қарунның «білімі» туралы сөздерге сүйеніп, оны қандай затты болса да асыл мүлікке айналдыра алатын көне заман алхимигі деп есептейді. Мысырда Қарунның жер жұтқан үйінің орнына пайда болыпты-мыс деген бірқатар көлдер мен тоғандар оның есімімен аталады, Қарун бейнесі Корей туралы Тәурат әңгімелері мен яһудилік аңыздардан басталады, есімі аңызға айналған Крез патша туралы аңыздардан да осы сарынды аңдауға болады. Құран әңгімесі кейінгі Мекке кезеңіне жатады. Оның сөздері Мұхаммедтің (с.а.у.) Меккеліктермен арада болған шынайы таластарын танытады.