Қарынша (желудочек); (лат. ventriculus) — қанды қан тамырларына айдайтын жүрек бөлігі. Жүректе оң және сол қарынша болады. Олардың қабырғалары: ішкі — эндокардтан, ортаңғы — миокардтан және сыртқыэпикардтан тұрады. Сол қарыншаның қабырғасы оң қарыншаға қарағанда үш еседей қалың болып келеді. Жүректің ұшы сол қарыншаның үлесіне тиеді. Оң және сол қарынша бір-бірінен жүрек сыртындағы ұзынша сайлар және жүрек ішіндегі етті перде арқьшы бөлінген. Оң қарыншадан вена қаны өкпе артериясының бағанына кіші қанайналым шеңберіне, ал сол қарыншадан артерия қаны организмнің негізгі артерия қан тамыры — қолқа (аорта) арқьшы үлкен қанайналым шеңберіне ағып шығады.[1]

Қарынша

Дереккөздер өңдеу

  1. Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9