Қарқаралы бөріқарақаты

Қарқаралы бөріқарақаты (лат. Berberis karkaralensis) – бөріқарақат тұқымдасы, бөріқарақат туысына жататын өсімдік.

Қарқаралы бөріқарақаты
Ғылыми топтастыруы
Дүниесі: Өсімдіктер (unranked) Қос жарнақтылар Сабы: Ranunculaceae Тұқымдасы: Бөріқарақат тұқымдасы Тегі: Бөріқарақат (Berberis) Түрі: Қарқаралы бөріқарақаты
Екі-есімді атауы
Berberis karkaralensis

Ботаникалық сипаты

• Биіктігі 2 м-ге дейін жететін бұтақтары аз, тікенекті бұта. Бұтақтарының қабығы қызғылт қоңыр. Тікенектері (3-5) тармақталған, ұзындығы 20 мм-дей.
• Жапырақтары жартылай қабықшалы, пішіні ұзынша келген, сағақты, кенекті жиектері ара тісті. Жапырағының ұзындығы 3-4 см, ені 1 см-дей.
• Сары түсті майда гүлдері шашақ гүлшоғырына топталған. Маусым айында гүлдеп, тамыз-қыркүйекте жеміс салады.
• Жемісі - шырынды, ашық қызыл түсті, сопақша жидек.

Өсетін жері мен таралу аймағы

Қазақстанда Қарағанды облысы, Қарқаралы таулары беткейлерінде, қарағайлы орман жиектерінде өседі. Түркістан облысында (Кентау қаласы маңында) шектеулі ғана саны кездеседі.
Қарқаралы бөріқарақаты - өте сирек кездесетін эндемик. Оның таралу аймағының жылдан-жылға азаюына байланысты қорғауға алынып, Қазақстанның Қызыл кітабына енгізілген.