Қатаркөл

Қатаркөл, Қотыркөл — Ақмола облысы Бурабай ауданындағы ауыл, Қатаркөл ауылдық округі орталығы.

Ауыл
Қатаркөл
Әкімшілігі
Ел	ҚазақстанҚазақстан
Облысы	Ақмола
Ауданы	Бурабай
Ауылдық округі	Қатаркөл
Тарихы мен географиясы
Координаттары	52°56′49″ с. е. 70°25′53″ ш. б.52.94694° с. е. 70.43139° ш. б. / 52.94694; 70.43139
Құрылған уақыты	1849
Уақыт белдеуі	UTC+5:00
Тұрғындары
Тұрғыны	▼2293 адам (2021)
Сандық идентификаторлары
Автомобиль коды	03
Қатаркөл Қатаркөл
Қатаркөл шекарасы

Географиялық орны

Аудан орталығы – Щучинск қаласының шығысында 16 км, Бурабай шипажайы темір жол станциясынан 23 км қашықтықта, Қотыркөл көлінің оңтүстік-шығыс жағасында орналасқан.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
2922	▼2854	▼2293	80,3	1374	▼1119	81,4	1480	▼1174	79,3

Тарихы

''ҚОТЫР байдың ауылы "Ертеде, Ақсары Керей, оның ішінде Абыз - Шегір, одан бері Нарке - Бапаттың бірнеше ауылдары, Жабағы, Қотыр, Өтей, Қатық т.б. қазіргі Қотыр көлінің жағасында отырған елдер екен. Патшалық Ресейдің колониялық саясаты, қазақтың солтүстігін меңгеріп алған соң, өзінің саясаты кеңейтіп жаю үшін, бірде - бірде қазақтың шұрайлы жерлеріне, өзінің сенімді халқын, казак - орыстарды керегінше қоныстандыра бастады. Көкше - Бурабайдың түстік беті өте көркем орманды, қарағайлы көлді, көзді бұлақты жерлерде. Қотыр көлі, Жөкей көлінің маңында бұрын Керейдің Нарке - Бапат бөлімдері, Қотыр Жабағы, Қатық т.б. ауылдар отыратын. 1845 жылдан бастап осы елдерді ол жерлерден ығыстырып, Жөкей көлінің маңына көшірді. Бұл жерге, Қотыр ауылының жұртына, көлдің жағасына 50 үй казак - орыстарды орналастырды. Селоның атын "Казачья станица Котуркуль" деп атады. Бұл кезде, осы маңдағы елдер Атығай - Керей, қалың елдің қоғамын "Қотыркөл болысы" деп атады. Міне содан бері, селоның аты Қотыркөл де, болыстық қоғамның аты "Қотыркөл болысы" болып көп жылға келді. Қотыр ауылы бұрынғы қонысынан ауған соң, Жөкей көлінің түстік бетіне орналасып, бертін 1929 жылы колхоздастыру уақытында ол орыннан көшіп, Степняк алтын зауытының бір бөлімі Ермовкенің қасында бұрынғы Қонды, Көшімбай ауылының жұртына орналасып, қазір Қотырдың немере - шөберелері Жолдан балалары сол жерде отыр. Ал, бұрынғы Қотыркөл болысы аты бертінге дейін бірнеше атпен келіп, бұрынғы жер көлемінен жұрдай болып, көрші аудандарға бөлініп, қазір Еңбекшілер ауданы аталып отыр." Шежіре: Есенбақты -> Абыз -> Қазыке -> Байарыстан -> Майбасар -> Манақа -> ҚОТЫР.

Іргесі 1849 жылы қаланған. 1930 жылы мұнда Буденный атындағы ұжымшар ұйымдастырылған. Оның негізінде 1996 жылы бірнеше шаруа қожалықтары құрылды. Қотыркөлде кірпіш зауыты, малдәрігерлік-зоотехника колледжі, т.б. бар.