Оралбек Бекболатов

Бекболатов Оралбек, Оңтүстік Қазақстан облысы Қаратау өңірінде дүниеге келген, медицина ғылымдарының докторы, академик, ТАШМИ және Мәскеу қаласы П. Лумумба атындағы Халықтар достығы университетінің түлегі, Қытай халық республикасында "Ине терапиясын" меңгерген, Шығыс медицинасы Ресей академиясының Құрметті мүшесі, 64 монографиялық еңбектің авторы, бүкіләлемдік "Авиценна" төсбелгісінің иегері болған алғашқы қазақ,"Құрметті қажы", ақын, әскери шені - полковник, әскери дәрігер ретінде Ауған соғысына қатысқан, Әлем халықтары Жазушылары одағының, Халықаралық Жазушылар одағының, Қазақстан Журналистер одағының мүшесі. Шымкент қаласы М.Әуезов атындағы институттың қазақ тілі факультетін сырттай тәмамдаған - филолог, "Өлуге дайынсыз ба?" /Алматы баспасы/ атты жеке психологиялық кітаптың авторы, жинақтары бірнеше ұжымдық жинақтарға енген, "Мерейлі мекен", /Алматы баспасы/ "Күй аңызы","Алтынқалам" /Өнер/ баспасы, "Ажангелді" романы, "Таңдамалы" әңгімелер жинақтарының, "Бөрі иісі жөргегімнен", "Шексіздік", "Құныс патша туралы аңыз", "Оқжылан ата", "Алаяқтар" трагикомедиясының т.б. отыздан астам кітаптың авторы, өнімді тәржімашы, әңгіме, өлеңдері орыс, түрік, өзбек тілдеріне аударылған, республикалық дәрежеде өткен жазба ақындар мүшайрасының бірнеше дүркін жеңімпазы, 1989 жылы Қазақстан Жазушылар одағының бас жүлдесін жеңіп алған, халықаралық " Алтын қалам " әдеби жүлдесінің үш дүркін жеңімпазы, халықаралық "Алтын қыран", "Бекет ата", "Есет батыр","Елеулі еңбегі үшін" медальдарының иегері, "Шығармашыл зиялылар", "Екі ғасыр тынысы" энциклопедиялық кітаптарға енген. Қытай халық республикасының "Достық", "Тарлан" ордендерімен марапатталған. 2017 жылы Киото (Жапония) қаласында өткен бүкіләлемдік "Қаламдастар" форумында "Әлем ақындары" қатарына қабылданды.