Menkazak221

Сақпан

Сақпан - өзіндік үнімен ерекшеленетін сілкімелі қазақ халқының көне музыкалық аспаптарының бірі. Ертеде мал шаруашылығында кеңінен қолданылған. Қойшылар көктемгі төл кезінде бұл аспаптың дыбысымен қой қайырған. Шаруалар егістікке қонған құстарды үркіту үшін де пайдаланған. Ал кейбір өнерпаздар сақпанмен өзінің әуенін сүйемелдеген. Сөйтіп, сақпан музыкалық аспап дәрежесіне көтерілді.

Сақпан - ырғай, тасжарған сияқты қатты ағаштардан жасалады. Оның ұзындығы бір қарыс, ал ені 2-3 см болады. Аспаптың музыкалық тұрпатыне келер болсақ, жұқа ағаштан кесіліп, ол жіпке немесе сымға тізіледі. Дыбыс жаңғырығы жақсы болу үшін бір-біріне беттескен ағаштардың арасына аздаған саңылау болу керек. Ал дайындалу әдісі тым күрделі емес, сондықтан оны 4-5 сағаттыі ішінде жасап шығуға болады.

Сақпан аспабын бұрынғы кезде қойшылар өрісте қозы-лақты үркіту үшін пайдаланған болса, қазіргі кезде бұл музыкалық аспап оркестр мен ансамбль құрамында орындалған шығарманы әрлеу, дыбыстық құрамы мен бояуын түрлендіру үшін қолданылады.