Қодар биби, Жолбарыс ханға қызмет еткен. 18 ғ-дың 30-жылдарында Ұлы жүздегі белгілі қайраткерлердің бірі болған. Жоңғарларға қарсы соғыста Ресеймен одақтасуды жақтап, Әбілқайыр хан арқылы Ресеймен байланыс орнатуға тырысқан. Ресей патшайымы Анна Иоанновна 1734 ж. 10 маусымда Орынбор комиссиясының басшысы, Сенаттың обер-хатшысы И.К. Кирилловқа жіберген грамотасында Ұлы жүздің өте ықпалды адамдары Қодар би, Төле би, Сатай, Хангелді, Бөлек батырларға “аса зор мейірімділікпен ... қарау, әрі осының бәрі туралы білуге рақым білдіреді”. Алайда Ұлы жүзді Ресей құрамына алу аймақтың тым алыстығына және Ұлы Орданың ойраттарға тәуелділігіне байланысты кейінге қалдырылатыны айтылады.[1]

Дереккөздер өңдеу

  1. Қазақ энциклопедиясы