Қожанияз Бәйтенұлы Есентаев

Қожанияз Бәйтенұлы Есентаев (10.7. 1930 жылы туған, Ақтөбе облысы Мұгалжар ауданы Изембет станциясы) - экономика ғылым кандидаты, доцент, Қазақ КСР-інің еңбек сіңірген экономист Мәскеу геологиялық барлау институтын (1953) және КСРО Мемлекеттік жоспарлау комитеті жанындағы Жоғары экономика курсын (1988) бітірген. Атырау қаласындағы трест және бұрынғы КСРО Мұнай өнеркәсібі министрінің «Қазақмұнайгеофизика» кеңсесінде, кейіннен тресінде жұмыс істеді.

Гурьев (қазіргі Атырау) қалалық комитетінің хатшысы, Қазақ КСР Халықтық бақылау комитетінде бөлім меңгерушісі тағы басқалары лауазымды қызметтерді атқарып, Қазақстандағы геологиялық барлау жұмыстарының дамуына көп үлес қосты. Бұдан кейінгі жылдары Каспий, Арал және Балқаштың экологиялық проблемаларымен айналысатын «Қазақстан-Каспий» шығармашылық ұжымын басқарған. Халықаралық Қаныш Сәтбаев қорының вице-президенті. Еңбек Қызыл Ту, «Құрмет белгісі» ордендерімен және медальдармен марапатталған.