Қойтас (шоқылы тау, Ерейментау ауданы)
Қойтас – Ақмола облысы Ерейментау ауданының шығысындағы ұсақ шоқылық тау. Абсолюттік биіктігі 291 м. Сілеті және Өлеңті өзендерінің аралығында жатқан тау солтүстік-шығыстан оңтүстік-батысқа қарай 17-20 км-ге созылған, ені 5 км-ге жетеді.
| Қойтас тауы | |
| Сипаттамасы | |
|---|---|
| Пайда болған кезеңі |
Орта девон |
| Ұзындығы |
17-20 км |
| Ені |
5 км |
| Биіктігі |
291 м |
| Орналасуы | |
|
52°07′31″ с. е. 73°35′53″ ш. б. / 52.12528° с. е. 73.59806° ш. б. (G) (O) (Я)Координаттар: 52°07′31″ с. е. 73°35′53″ ш. б. / 52.12528° с. е. 73.59806° ш. б. (G) (O) (Я) | |
| Елдер | |
|
| |
|
| |
Басқа мағыналар үшін Қойтас (айрық) деген бетті қараңыз.Жер бедері өңдеу
Сай, өзектермен тілімденген беткейлері көлбеу келген. Батысы мен солтүстігінде көлдер жиі кездеседі. Олардың басым бөлігінде қамыс, құрақ өскен. Кейбір телімдерде батпақты сор жерлер кездеседі. Оңтүстігімен Қатпа, Ұзыншілік өзендері ағып өтеді. Таудың солтүстік беткейінде 3 және 8 м-лік жартастар мен құздар бар. Оларды жыралар мен шайылмалар тілімдеген.
Геологиялық құрылымы өңдеу
Жер қырытысы орта девон кезеңінің тау жыныстарынан түзілген. Оның бетін қиыршықтасты-кесектасты элювийлі-делювийлі шөгінділер жапқан.
Өсімдігі өңдеу
Нашар дамыған қызғылт қоңыр топырағында сұлыбасты-қылқан бозды дала өсімдіктері, сай мен өзектерде қараған шоқылары өскен.[1]
Дереккөздер өңдеу
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5