Қостанай облыстық тарихи-өлкетану мұражайы
Қостанай облыстық тарихи-өлкетану мұражайы – Қостанай облысының жергілікті маңызы бар тарих және мәдениет ескерткіштер тізіміне енген сәулет өнері ескерткіші.
Координаттар: 53°12′48″ с. е. 63°38′05″ ш. б. / 53.21333° с. е. 63.63472° ш. б. (G) (O) (Я)
Мұражай барлық мемлекеттік және қоғамдық мұражай үшін әдістемелік орталық, мәдени және ғылыми-зерттеу мекемесі болып табылады. Қазіргі мұражай қорының жинағында 110 мыңнан астам мұражай заттары бар, оның ішінде шамамен 65 мың негізгі қордың заттары. Жыл сайын 100 мыңға жуық адам (2008 жылы – 141277 адам) Меңдіқара ауданы Боровской кентіндегі және Жітіқара қаласындағы филиалдарға, Жітіқара ауданы Тоқтарово кентіндегі секторға барады.
Орналасқан жері
өңдеуҚостанай қаласы, Алтынсарин көшесі, 115.
Тарихы
өңдеуМұражай 1915 жылы құрылған және еліміздегі ең көне мұражайлардың бірі. Мұражай ашылғаннан кейін он жылдан соң, оның қоры 1917 жылғы революцияға арналған және Қостанай аумағындағы азаматтық соғыспен байланысты құжаттармен, экспонаттармен толыға тұсті. Бұдан әрі, қор этнографиялық жинақтардың өсуіне байланысты кеңейді. XX ғасырдың 40-шы жылдары мұражай экспозициясы палеонтологиялық, археологиялық және минералогиялық бөліктерден тұрды.
1937 жылы мұражай XIX ғасырда салынған ғимаратта орналасты, онда 1995 жылға дейін тұрақтанды. 1995 жылы мұражай басқа ғимаратқа көшті.
Қазіргі кезде мұражайда 110 мыңнан астам мұрағаттық құжаттарды сақтау бірлігі бар, олардың көпшілігі – тұрақты экспозициялар.
Ерекше маңызды және қызығушылықты археологиялық жинақ (Қостанай облысы археологиялық нысандарғы бай), дәстүрлі қазақ қолданбалы өнер жинағы (әсіресе зергерлік бұйымдар) және көркемөнер экспозициясы (кескіндеме, мүсін, графика, нумизматика, геральдика және филателия) тудырады.
Мұражай аймақтың ежелгі тарихына, оның табиғи ресурстарына, аймақтың жаңа және қазіргі тарихына, Қостанай қаласының тарихы мен мәдениетіне, Ұлы Отан соғысы жылдарына, атақты жерлестерге және тағы басқаларға арналған он көрме залын қамтиды.[1]
Мұражай құрылымы
өңдеуМұражайдың барлық жұмысы негізделетін ең маңызды бөлімдердің бірі қорды есепке алу және сақтау бөлімі болып табылады;
- мұражай жиынтығын таныстыру, жаңа экспозициялар мен уақытша көрмелерді құру сияқты негізгі жұмыстар маңызды үш экспозициялық бөлімге: тарихи-экспозициялық, табиғат секторы, кескіндеме және графика бөліміне жүктеледі;
- мұражайдың мәдени-ағарту қызметі қазіргі заманғы жағдайда аса маңызды, сондықтан мұражай құрылымындағы ерекше мәнге ие болатын бөлім ғылыми-ағарту және экскурсиялық-көпшілік жұмыстар бөлімі болып табылады;
- мұражай қайтадан құрылған мұражайларға ерекше көңіл бөле отырып, облыстағы мемлекеттік және қоғамдық мұражайларға кеңестік-ұсыныстар және тәжірибелік көмек көрсетеді. Осы жұмыстың үйлестірушісі ғылыми-әдістемелік жұмыстар бөлімі.
Мұражай құрылымына сонымен бірге Меңдіқара ауданының Боровской ауылындағы және Тоқтаров ауылындағы секторымен Жітіқара қаласындағы бөлімшелері кіреді.
Мұражай қызметінде фотозертхана ерекше рөл атқарады. Мұражай жиынтығын цифрлық жүйеге ауыстыру, бірегей ескі құжаттарды қалпына келтіру, фотосуреттерді көрмеге қоюға дайындау, табиғат нысандарын, облыс тіршілігіндегі жағдайларды, Қостанай облысы әкімдігі мәдениет басқармасының және мұражайдың іс-шараларын суретке түсіру, мұражай басылымдарының үлгісі – мұның бәрі мұражайдың фотоқор сақтаушысы және фотограф міндетіне кіреді.
Мұражай жұмысына тарих, өлкетану, жаратылыс тарихы тақырыбындағы және анықтамалық, әдістемелік әдебиеттен тұратын 5 мың дана кітап қоры бар жабық үлгідегі ғылыми кітапхананың көмегі зор[2].
Дереккөздер
өңдеу- ↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9
- ↑ Қостанай облыстық тарихи-өлкетану мұражайы.