Қостанай троллейбусы

Қостанай троллейбусы – бұл қазіргі таңда қолданыстан шыққан Қостанай қаласының троллейбус көлігінің жүйесі.

Қостанай троллейбусы
Мемлекет	Қазақстан
Қала	Қостанай
Ашылу күні	28 желтоқсан 1989
Жабылу күні	2005 жыл
Маршрут саны	4
Троллейбус саны	12
Пайдалынылатын троллейбустердің моделі	ЗИУ-682 [1]

Тарихы

Троллейбус қозғалысы 1989 жылдың 28 желтоқсанында КСК – Орталық базар маршрутымен ашылған. Осы сәтке қарай әкімшілік корпустар, төрт тартымдық шағын станциялар мен байланыс желісі осы бағыт бойынша пайдалануға берілді. Депо 50 автотұрақ орындарына және жүзге дейiн ұлғаю мүмкіндігімен әзірленеді деп ұйғарылған еді. Бастапқыда троллейбус паркінде шамамен 280 адам жұмыс істеген.

Кейінірек, 1 маршрут қаланың оңтүстігінде автовокзалға дейін ұзартылып, 2, 3, және 4 бағыттар іске қосылды.

1991 жылы троллейбус желісінде 50 шақты көлік шығып тұрды және депоны кеңейту жөнінде келіссөздер жүргізілді. 1991 жылдан кейін троллейбус басқармасы бірнеше рет банкротқа ұшырап, бір адамның қолынан екінші адам иелігіне өтіп тұрды, бұл кезең туралы толық ақпарат жоқ. Тек 23 наурызда 1999 жылы троллейбустер біржолата ЖШС «Костанайэлектротранс» кәсіпорнының қолына көшкендігі, 2004 жылға дейін осындай күйде болғандығы ғана белгілі. Сонымен қатар әкімшілік тарапынан электр энергиясына бөлінген 50% көлеміндегі демеуқаржы тоқтатылып, бұдан кейін үнемдеу мақсатында троллейбустер мүлде жылытылмады.

2 қосалқы станцияда кабельдің зақымдану салдарынан 2004 жылы 2,3 және 4 бағыттар бойынша троллейбус қозғалысы бірнеше айларға өз жұмысын тоқтатуға мәжбүр болды және кейіннен осы іс бойыша сот талқылауы болып өтті. 1 бағыттың сол кезде жұмысын жалғастыра бергені әбден мүмкін.

ЖШС «Костанайэлектротранс» 2004 жылға қарай шамамен 9 млн – ға қарызға батты, соның ішінде қызметкерлер төлемақысы бойынша жиналған қарыз сомасы 1 млн тг құрайды. Областық сот компанияны «оңтайландыру мақсатында» екіге бөлуге шешім қабылдады — ЖШС «Костанайсервисэлектро» және ЖШС «Костанайский троллейбусный парк».

2005 жылы троллейбус қозғалысы тоқтатылды, бірақ бұның себептері жөнінде ешқандай мәлімет жоқ. Бұл оқиға осы жылдың шілдесіне дейінгі уақыт аралығында болғандығы ғана белгілі. Қыркүйек айына қарай троллейбус паркінде 7 көлік қалды, алайда барлық төрт бағытта да байланыс желісі жұмысын ары қарай жалғастыра берді. 2012 жылы тартымдық қосалқы станциялары мен байланыс желісі ажыратылып жойылған болатын. Бүгінгі таңда билік басындағылардың жоспарында троллейбус қозғалысын қайта жаңғырту мүлде жоқ.

Троллейбус маршруты

КСК — Автовокзал (бастапқыда КСК — Орталық базар)
КСК — Вокзал
Вокзал — Автовокзал
КСК — Карбышева

Бүгінде троллейбус маршруттары автобус маршруттарына ауыстырылды: №1 бағыт бойынша №13 автобус, №2 маршрутпен №2 автобус, №3 маршрутпен №3 автобус жүреді. №4 бағыт бойынша автобустар іске қосылмады, сондықтан КСК – Карбышева бағытын уақыт және траектория тұрғысынан жүріп өту тиімді болғандықтан №5 және №22 автобустар іске қосылды.

Жылжымалы құрам

ЗИУ-682 —2003 жылы 12 дана, 1991 жылы 50 дана
ЗиЛ жүк көлігі негізінде байланыс желісінің мұнарасын жөндеу — 1 дана

Сілтеме

Костанайский троллейбус :: Сведения о троллейбусной системе kostanay-trolleybus.narod.ru.
Костанайский троллейбус. Банкротство kostanay-trolleybus.narod.ru.
ТРК "Алау", Костанай. Расшифровка эфира