Қосшығұлов мектебі
Мұсылман жастарына арналған Баймұхамбет Қосшығұловтың мектебі — Астана қаласындағы жергілікті маңызы бар тарих және мәдениет ескерткіші.
| Қосшығұлов мектебі | |
 | |
| Жалпы мәлімет | |
|---|---|
| Статусы |
Жергілікті маңызы бар ескерткіш |
| Мекен жайы |
Абай даңғылы, 24 |
| Орналасқан қала | |
| Техникалық сипаттамасы | |
| Қабаттар саны |
2 (бастапқыда 1) |
| Картада орналасуы | |
|
| |
Координаттар: 51°10′03″ с. е. 71°25′20″ ш. б. / 51.167616° с. е. 71.422260° ш. б. (G) (O) (Я)
Ағайынды Қосшығұловтардың өз қаражаттарына салдырып, мұғалімдері мен шәкірттеріне жалақы, стипендия төлеп тұрған ұлттық білім ордасы ғимаратында бүгінгі күндері банк бөлімшесі орналасқан.
Қосшығұловтар әулеті — XIX ғасырдың соңы мен XX ғасырдың басында Ақмола өңірінде сауда-саттықпен айналысып, ірі өнеркәсіп орындарын ашқан алғашқы бай-ауқатты отбасыларының бірі. Жергілікті өлкетанушылардың деректеуінше, әулет басы Баймұқамбет Қосшығұлов — Қараөткел маңын жайлаған кедей жатақтары арасында өскен жетім жігіт. Қайырымдылығы мен қарапайымдылығы үшін замандастары Байкөп атандырған. Оның алты ұлы мен бір қызы болған. Ол саудагерлердің жағдайын жасау мақсатымен Керуен Сарай салдырды, екіқабатты кондитер фабрикасының жұмысын жүргізді, бірнеше ірі дүкенге иелік етті. 1929 жылы бұл нысандарды жергілікті кеңес өкіметі түгел тәркілеп алған.[1]
Бастапқыда ғимарат бірқабатты болған. Екінші қабат 1986 жылғы реконструкцияның нәтижесінде пайда болды.[2]
Дереккөздер
өңдеу- ↑ Астана. 20 жылдық шежіресі — Астана: «Дәуір», 2018.
- ↑ Косшыгулов и шоколадная фабрика: что связывало казахского купца и российского императора