Қурай
Қурай[1] - орманды-далалы, шөлейтті және шөлді аймақтарда өсетін бір топ өсімдіктердің жалпы атауы. Көбінесе қурай деп сораңшөптің кейбір түрлерін атайды
Ботаникалық сипаты өңдеу
- Биіктігі 50-100 см, гүлдегеннен кейін сабағы қатайып кететін тікенекті өсімдіктер.
- Алғашқы кезде баяу, ал жаздың 2-ші жартысында тез өседі. Мамыр-маусым айларында гүлдейді.
- Тамыздың аяғында тұқымы пісіп-жетілген соң, шар тәрізді сабағы тамырынан бөлініп, желмен ұшып, алысқа тарайды.
- Өте өсімтал, бір қурай жылына 200 мыңдай тұқым береді. Тұқымы топырақ астында 2-3 жылға дейін өзінің өну қасиетін жоғалтпайды. Сондай-ақ құрғақшылыққа да төзімді.
Өсетін жері мен таралуы өңдеу
Қазақстанның оңтүстік-шығыс, батыс және оңтүстік облыстарында кездеседі. Топырағы тұзды, сортаң жерлерде өседі.
Дереккөздер өңдеу
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5