Қуыршақтар

Қуыршақ - ойыншықтың ең көп тараған түрі, 1-2 жасар қыз бала, әдетте, көзін ашып-жұматын, "сөйлейтін" қуыршаққа қызығады.

Джордж Лемнен.Қыз және қуыршақ,1904

Онымен бірге қуыршақ баланың өзіне шақ болғаны абзал. Мұндай қуыршақтардың киімі шешілмейтін болуы да мүмкін.

1-4 жастағы сәбилерге шомылдыруға, құндақтауға, көрпемен орауға болатын "жалаңаш бөпені" (киімі жоқ қуыршақ) әперген жақсы.

3-5 жастағы балалар үшін киімі шешілетін үлкен қуыршақ (35-50 см.) шығарылады. Мұндай қуыршақтардың арнаулы жиһазы, ыдыстары, арбасы болады. Қуыршақтар әр түрлі болуы тиіс, өйткені балалар олардың "мінез-құлқын", "көңілді-көңілсіздігін" айырып, ойынның барысында әрқайсысына өзінше міндеттер жүктейді.

5-7 жастағы балаларға қуыршақтың көлемі үлкені әрі кішісі (6-7 см.) де керек.

Мектеп жасына дейінгі балаларға тұрқы 20-35 см. қуыршақтар ыңғайлы. Бұл қуыршақтардың "сөйлей білуі" міндетті емес, өйткені олар үшін балалардың өздері сөйлейді.

Мектеп жасындағы кішкене қыз балалар бұдан да ірі "шын тәрбиелеуге келетін" үлкен қуыршақтарға (45-65 см.) қызығады.

Жұмсақ заттан жасалған аю, мысық, күшік сияқты ойыншықтар бір жастан асқан балаларға дұрыс. Олармен де қуыршақ сияқты ойнайды. 1-4 жасар балаларға ертегілерден естіп, суреттерін көріп, таныс боп немесе өмірде кездестіріп жүрген жануарлардың резеңкеден немесе пластмассадан жасалған ойыншықтарын берген қолайлы, әрі гигиеналық жағынан да дұрыс деп есептелінеді. Бұлармен балалар серуенге шыққан кезінде де ойнай береді. 5-7 жасар балаларға "аң мен мал Мұрағатталған 26 шілденің 2011 жылы." атаулының үйір-үйір болғаны ("зоопарк" т.б) қызғылықты. Баланың жас үлкейген сайын ойыншықтың нақты бейнеге ұқсас болуын талап етуі күшейе түседі. Үш жасынан бастап балалар қуыршақпен ойнаған кезде ойыншық арбаны, жиһазды, ыдыстар және т.б. қолданады.

Мектеп жасына дейінгі ересек балалар мен мектеп жасындағы кішкене балалар жұмыс істеп тұрған ойыншықтарды: қозғалтқышы бар кір жуатын мәшине мен шаңсорғышты, ішінде шам жанып тұратын тоңазытқышты, жарық беретін электр лампасын т.б. ұнатады. Бұл жастағы балалар тұрғын үйді бейнелейтін күрке немесе жаппа тігіп, тақта мен парта қойып ойнауға бейім келеді.

Дереккөздер

1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред. Р.Н.Нұрғалиев, 1991.

Сілтеме

• Қуыршақ театры