Қыдырбекұлы атындағы көше (Алматы)

Көшеге көрнекті жазушы, белгілі қоғам қайраткері Балғабек Қыдырбекұлының есімі (Алматы қаласы әкімінің 17.10.1996 № 265 шешімі) берілген. Қыдырбекұлы Балғабек Алматы облысы Жамбыл ауданында дүниеге келген. Ол «Социалистік Қазақстан» газеті редакторының орынбасары, редакторы, Қазақстан Журналистер одағының төрағасы қызметтерін атқарған. 300-ге жуық сатиралық және юморлық әңгімелердің авторы. Көше Жетісу ауданында орналасқан. Бөлтірік шешен көшесінен басталып, Омбы көшесіне дейін созылып жатыр. Көшенін ұзындығы - 1600 метр.