Қызылжар минералды жер асты суы кен орны

Қызылжар минералды жер асты суы кен орны - Солтүстік Қазақстан облысы Петропавл қаласынан 2,3 км жерде орналасқан.

Геологиялық құрылымы

Сулы қабат қалыңдығы 40-80 м болатын төменгі бор кезеңінің шөгінділерінде жатыр.

Сипаты

Су сыйыстырғыш тау жыныстары биотитпен байытылған орта түйіршікті кварц-глауконитті құмдардан тұрады. Минералды су 852-907 м тереңдікте жатыр. Кен орнының суы арынды және ол өздігінен шығады. Судағы йодтың мөлшері 9,5 мг/л, бром 52 мг/л, радон 49 эман, суының температурасы 31,5 градус. Химиялық құрамы бойынша хлоридті және натрий-калций-магнийлі. Негізгі компоненттері - аниондар хлор, сульфаттар, катиондар. Су қоры Петропавл қаласының демалыс аймағы үшін 50 жылға жететіндігі анықталды.