Қызылорда халық киностудиясы

Қызылорда халық киностудиясы - әуесқойлар киностудиясы. 1974 ж. облыстық халық шығармашылығы мен мәдени-ағарту жұмыстарының ғылыми-әдістемелік орталығы жанынан құрылды. 1977 ж. халық киностудиясы атағына ие болды. Оның көркемдік жағын 1977 -80 ж. В.Е. Лучинкин басқарды. Киностудия күшімен облыстық халық шығармашылығы мен мәдени өмірінің қол жеткен табыстарын көрсететін және күріш өсірушілер туралы қысқа метражды фильмдер түсірілді. Олардың қатарында "Машинист", "Шопан", "Еңбек даңқы", "Ләйлек бізге не әкелер екен?", "Ыбырай Жақаев", "Күміс той", т.б. фильмдер бар. 1977 ж. өткізілген Бүкілодақтық әуесқойлар фильмдері байқауына қатысты. Республикалық әуесқойлар фильмдері байқауының лауреаты (1977).