Қызылсу (Ертіс алабындағы өзен)
Қызылсу – Ертіс алабындағы өзен.
| Қызылсу | |
|---|---|
.jpg) Ертіс алабындағы Қызылсу өзені | |
| Сипаттамасы | |
| Ұзындығы | 185 км |
| Су алабының ауданы |
3280 км² |
| Су алабы | Ертіс өзені |
| Су ағысы | |
| Бастауы | Бесшоқы тауының батыс бөлігіндегі бұлақтар |
| • Координаттары | 49°24′20″ с. е. 82°19′34″ ш. б. / 49.40556° с. е. 82.32611° ш. б. (G) (O) (Я) |
| Сағасы | Ертіс өзені |
| • Орналасқан жері | Қызылқорған қирандысының батысы |
| Орналасуы | |
| Ел | Қазақстан |
| Аймақ | Абай облысы Жарма және Шығыс Қазақстан облысы Ұлан аудандары |
Басқа мағыналар үшін Қызылсу (айрық) деген бетті қараңыз.Географиялық орны
өңдеуАбай облысы Жарма және Шығыс Қазақстан облысы Ұлан аудандары жерімен ағады. Ұзындығы 185 км, су жиналатын алабы 3280 км2, жалпы ұзындығы 172 км болатын 51 саласы бар. Өзен алабында аумағы 1,1 км2 болатын 2 көл жатыр. Ірі салалары: Ақтасты, Жантас, Шилі, Алаайғыр, Қарабұға, Жаңғызағаш, Күйелі, т.б.
Бастауы
өңдеуБастауын Бесшоқы тауының батыс бөктеріндегі бұлақтардан алып, Қызылқорған қирандысының батысында Ертіс өзеніне құяды.
Гидрологиясы
өңдеуҚызылсу ауылынан Шалабай ауылына дейінгі жоғарғы ағысы және орта ағысының жағалауы жартасты, жарқабақты және жарлауытты келген. Төменгі ағысында арнасы кеңейіп, алабы сайлы-жыралы келеді. Сағасында ені 10-15 км болатын жайылма құрайды. Өзен бойында елді мекендер көп, алабы жақсы игерілген. Негізінен жер асты және жауын-шашын суларымен толығады. Арнасында жыл бойы ағын болады.[1]
Дереккөздер
өңдеу- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5