Қызылтандай

Қызылтандай — көкнәр тұқымдасына жататын бір жылдық шөптесін өсімдіктер туысы. Биіктігі — 10-60 см, жапырағы қандауыр пішінді, қауырсын салалы, тілімделген, қарама-қарсы немесе кезекті орналасқан. Гүлі күлгін, анық қызыл, жеке-жеке орналасқан. Сәуір—маусымда гүлдейді. Қызылтандайдың Еуропа мен Азияда таралған 9, Ресей мен Қазақстанда 2 түрі кездеседі. Қ. көбіне тау беткейі, құмды жерлер, бау-бақша, егістік жерлерде арам шөп түрінде өседі.Қызылтандайдың құрамында эфедрин, ремерин алкалоидтары бар. Бұдан дәрі жасалады.