Қызыл жүзген (Қызыл жүзгін Calligonum aphyllum) - жүзген туысына жататын бұта.

Қызыл жүзген бұтасы

Биологиялық сипаттамасы өңдеу

Биіктігі 1-2 м, қабығы қызыл не күрең. Жапырағы ұсақ, ұзындығы 1,5-3 мм. Қолтық гүлдері 2-ден гүл сидамына орналасқан. Жемісі - домалақ, ұзындығы 16-20 мм, ені 15-18 мм жаңғақша.

Өсу аймағы мен таралуы өңдеу

Қызыл жүзген құм, шағылда өседі. Кавказ, Батыс Сібірде, Орта Азияда, Қазақстанда Батыс Қазақстан облысында, Атырау облысында, Ақтөбе облысында, Қызылорда облысында, Бетпақдала, Мойынқұм, Қызылқұмда, Зайсан алқабында кездеседі.

Маңызы өңдеу

Қызыл жүзген құм бекітеді, бір жылдық жас бұтақтарын қой, түйе жейді. Ара гүлінен бал жинайды, илік заттар алынады, отын ретінде пайдаланылады.[1]

Дереккөздер өңдеу

  1. Қазақ Совет Энциклопедиясы, Алматы, 1974ж., 5 том