Қызыл әскер, ОСОА-ВИАХИМ

Қызыл әскер, ОСОА - ВИАХИМ - қазақ тіліндегі тұңғыш әскери газет. Қазақстан өлкелік әскери комиссариатының өлкелік кеңесінің және «Еңбекші қазақ» газеті басқармасының органы. 1929 жылы 7 қарашадан 1936 жылы 31 қазанға дейін Алматыда аптасына 1 рет шығып тұрды. Газет Кеңес өкіметінің қорғаныс қуатын арттыру, қазақ жастарын әскери өнерге баулу, офицерлердің әскери білімдерін кеңейту, еңбекшілердің Қызыл әскермен байланысын нығайту жолында жұмыс жүргізді. Қазақ дивизионын, атты әскер полкін жасақтау ісіне белсене атсалысты. Нәтижесінде 1934 жылы қарашада Қазақстан ОСОА - ВИАХИМ аэроклубы ұйымдастырылды. Газеттің жұмысына І.Жансүгіров, А.Лекеров, Ә.Көшімов, т.б. белсенділер қатысып тұрды. Оның бүгінгі мұрагері - ҚР ҚМ орталық баспасөз органы - «Қазақстан сарбазы» басылымы.[1]

Дереккөздер өңдеу

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х